افكار تخلي زوجك ....؟!!
( افكار تخلى زوجك يتجنن عليكي)
السلام عليكم ورحمه الله وبركاته

برزت مواضيع وافكار حلوه عن الحركات والمفاجآت للزوج وهى امور نسويها كل

فتره لكسر الروتين بالحياه الزوجيه ولان العالم يحتوى على مغريات وبنات بالخارج الله يستر بس فلازم ندلع ازواجنا ولو كل فتره يا جماعه هذه النوعيه من المواضيع فقط للحريم اللى حابات يبذلون جهد للحفاظ على ازواجهم وحتى نكون حريم ننافس اللى برى وننتصر عليهن

واليكم بعضها ..

ملاحظه هامه

هذه الافكار تتركز اكثر حول اضفاء المرح على الحياه الزوجيه


الفكره الاولى

طريقه لايقاظه من النوم تجلسين جنبه وتمطرينه قبلات خفيفه على وجهه طبعا بيتنح نح وبينتبه لكن ما بيقوم فزيدي قوه القبلات حتى يتضايق ويقوم ... قولى له احمد الله ان لك حرمه تصحيك بالبوسات فى حريم يصحون رياييلهم بالكفوف

الفكره الثانيه

حفله رقص !!


الادوات:-
- قوطى نيدو فاضى او ما يشابهه
-اى لبس مخلع ويا حبذا ينزل منه خراخيش وايد
-مكياج صارخ-

الطريقه
عطى زوجك القوطى الفاضى وخليه يطقطق لك وانتى ارقصى لك وحتى لو ما تعرفى خرفى الا هو هز الوسط والاكتاف والسلام صدقينى بتموتون من الضحك وهنا الهدف
المرح

الفكره الثالثه

عند خروجكما معا صحيح احنا محتشمات والحمدلله لكن هذا ما يمنع اننا نكون انيقات الله يحب المؤمن الجميل النظيف فكيف نكون اانيقات وجميلات ومحتشمات بنفس الوقت؟؟؟!!
اولا نلبس جلابيه او تنوره وقميص محتشمات وحلوات بنفس الوقت نلبس نعال وشنطه بنفس اللون ويكون متناسق مع اللبس ما انصح بالشنط الصارخه او اللى فيها خراخيش ولافته للنظرلانها مقرفه ومنظرها بشع دائما البسيط انيق *
هممم شو كمان
المكياج سوى مكياج بالاماكن اللى ما تظهر للناسمثلا النقاب يبرز العيون
فلا تسوى على عيونك مول شي بس سوى روج وبلاشر للخدود
بتقولون ليش ؟؟
بقولوكم حتى لو فتحتوا النقاب بمطعم مصكر او بالسياره مثلايشوفك زوجك حلوه ومهتمه بنفسك وعلى فكره هالنقطه علمنى ياها اخوىاللى قالى ان الحرمه لازم تهتم بنفسها حتى يشوفهازوجها دوم انيقه بس بما لا يخالف الدين


افكار منوعه وسهله بس روووعه ..عن

1-الدلع :-
صوتك بالكلام معاه لازم يكون كله دلع لما تكلمينه مثلامطى بصوتك شوى عطيه كم بوسه اثناء الكلام مفاجأه على ارنبه انفه مثلا

2-لما هو يتكلم معاج خليج قريبه منه وايدعيونج بعيونه وايدك تلعب بشعره

3-لما تطالعون تلفزيون الصقى فيه انسي سالفه هو بكرسي وانتى بكرسي
الصقى فيه باى طريقه

4-عوديه تكونين دايما معاه لما ينام نامى معاه حتى لو ماكان فيج نوم
احضنيه لما ينام على الاقل..عوديه انه قبل النوم تقولون لبعض تصبح على خير واحبك

5-خليه يتعود على وجودك معاه مثلا هو بالحمام اجلسي عند الباب وسولفى معاه
لما يتسبح فركى له جسمه مثلاوبعدين جيبي له ملابسه للحمام وجيبي له المنشفه لعنده وخليها عاده عندج مو مره وحده بس

6-لما تطلبين منه شي دايما خلى كلمات الحب قبل كلمات الطلب مثلاالله يخليك حبيبي اريد اشترى .....
فديتك خاطرى اروح اتمشى اليوم

7-دايما خلى المسجات بينج وبينه والاتصالات دايما

8-اشكريه على كل شي زين يسويه لج بشكل حميم احضنيه وحبيه على راسه وقولى له مشكور حبيبي ما تقصر وهالكلام

9-عامليه كطفل اثناء اكلكم مع بعض اكليه بايديك او بالملعقه امسكى قطعه اكل مثلا بفمك وناوليه القطعه كده بعنى خليه ياكلها ..... قويه لا بس وايد رومانسيه المهم اثناء الاكل احب تاكلون من صحن واحدوتشربون من كوب واحد

10-الملابس اقل انواع الدلع على فكره لان كل اللى ذكرته لج هو الاهم
البسي له كل انواع الموضه من بناطلين ومشلحات وشورتات وكل البلاوى
اللى يلبسونها اللى بره حتى يشوفها عليك انتى

11- وهى الاهم وهى انه لما يجي البيت استقبليه عند الباب بالوجه البشوش واحضنيه ووووو ولما بيطلع من البيت عوديه على انه يسلم عليج ويحضنك وانتى تدعي له بالتوفيق
وبالسلامه
_________________________

حاولى تسوى اللى اقولك عليه وانتى واثقه ممن نفسك اذا قالك مثلا انتى تتصنعين هالحركات او شي طنشي وغيري السالفه حسسيه ان هالحركات جزء منك
قولى له انا كده اصلابس كنت استحى منك لان لو عرف ان هالاشياء مو فيكي
اساسا ما بتعجبه وبيعتبرها تمثيل

فكره اخرى

بعنوان
هديه غير متوقعه

وهى انج تقولى له انج تبين تشترين هدي رجاليه بيقولج لمين قولى لابوى او اخوى او ما شابه المهم روحوا سوى وخليه يختار كل شي على ذوقه وخليه طول الوقت يفكر انهالحد غيره ..هههه غلفوها سوا او راويه التغليفه وكل شي عطيه البطاقه اللى كتبتى عليها مسبقا ان هالهديه له
وشوفى وقع المفاجاه الحلوه على وجهه

فكره خفيفه

اذا الوحده منا عرفت انها حامل وحابه انها تفاجىء زوجها بالخبرتجيب ورقه وتكتب عليها فى بيبي هناوتلصقها على مكان بطنهاولما يجي الزوج ويشوفها
بنشوف كيف بتكون رده فعله هههه اريد احمل عشان اسويها ساعات هالحركات ابلغ واحلى من الكلام

افكار للزوج اللى بيسافر
او اللى يروح للدوام لفتره اسبوع واكثر ويبات هناك مثلا
جهزى له شنطه السفر بكل ما يحتاجه جيبي بطاقات صغيره واكتبي عليها كلمات
مثل اشتقت لك هل اشتقت لى ؟؟
او امواااااح وتطبعى بالروج على البطاقه بوسه
اودعوات بالتوفيق والعوده بالسلامه ووزعيها داخل شنطته بحيث كل ما يتفش شي يلاقى وحده ويتذكرك ويبتسم
صدقونى حلوه وما فى اسهل من كذا

منقول

مرور بنت الموج