الاستخاره والطلاق
السلام عليكم ورحمة الله وبركاته
مااحلل احد يدخل الموضوع ومايرد علي
بسالكم انتم اللي تطلقتم استخرتوا ربي قبل ماتتزوجون؟
بقولكم السالفه انخطبت تركت السوال عنه لااهلي وقتلهم اهم شي اخلاقه والباقي يهون وانا اللي علي اني استخير ربي وادعيه استخرت ربي وماكنت احس بشي ملكت يوم الملكه اتذكر كنت معصبه وماادري ليش لليوم بس كنت افسرها انه شعور طبيعي لبنت بتفارق اهلها تيسرت امور الملكه وكان الزواج بعد سنه ونص وماتركت الاستخاره طول هاذي الفتره كنت استخير اسبوعيا واستخرت ليلة الزواج ويوم الزواج وبعد ماتركت الدعاء كنت اتحرى اوقات الاجابه وادعي ربي بانه يكون زوج صالح يخافه فيني يوم الزواج قريت سورة البقره وحصنت نفسي وصليت ركعتين دعيت ربي فيهم بالتوفيق رحت عمره 3يوم بزواجي ودعيت ربي وطبعا كان زواجي كله مشاكل الى اني بيوم استخرت ربي بالطلاق وبعدها بااسبوع استخرت مره ثانيه وفعلا اتطلقت مع انه المشكله كانت من ثاني اسبوع بزواجي وهي موجوده وفوق كذا تافهه كل اللي فوق بس علشان تكونون بالصوره
من تطلقت وكل من عرف اني تطلقت يسالني انتي استخرتي سالتوا عنه
لمن اقولهم اني استخرت مايصدقون لدرجه اني شكيت انه استخارتي خطا وصرت بس ابحث عن صفة الاستخاره وفعلا كل اللي سويته صح
تبون الصراحه لمن لما افكر بزواجي اقول مافيه خير كله مشاكل زواج دام فتره قصيره وانتهى بالطلاق بس متاكده انو ربي كاتبلي خير بهل زواج وبيجي اليوم اللي اشوفه واعرفه وخير بعد بالطلاق والحمدلله شفته تحسنت نفسيتي رجعت اضحك بعد مانسيت كيف الناس يضحكون رجعت لااحلامي وهواياتي ترتب نومي بعد ماكنت اهرب من الواقع والمشاكل بالنوم والاهم صرت احس بالامان
لكن بنفس الوقت مااحب احد يدعيلي ان ربي يعوضني واحيانا احن للزواج ونفسي ادعي ربي بالزوج الصالح بس يربط لساني اخاف كثير
والسوال الثاني ابي اسال الحين الطلاق البائن ينكتب في الصك انه باين والا مو شرط
مستحيل ارجعله بس ودي اعرف؟