هذه بعض تجاربي فترة الملكه اتمنى تحوز استحسانكم :
1- الحب : اثبت بتصرفاتك انك تحبها ولاتخجل من ذلك ابداً بالفعل ثم بالكلام
جداً مهم اختر الكلام بعناية ومن الجميل أن يكون من تأليفك يعني حاول تقول
كلام معسول يعني بالعربي تمشي حالك .
2- زمام المبادره : الى كل شاب امسك بزمام المبادره فالفتاه تكون في هذه
الفترة خجوله جداً جداً .
3- الهدايا : كل ما تروح لأم العيال خذ معاك اي شي مو شرط يكون غالي خليها
تحس انك تحبها وتقدرها انا عني كل ماروح آخذ معايه شي ودايم اكون مستعجل
أمر اي محل ورد وأشتري لها ورد .
4- الجوال : انتبه لجوالك كلمها كل يوم ارسل رسالة وانتبه تسوي ثقيل لأن
هالفترة تكون حساسة خصوصاً البنات .
5- الاسلوب : لاتكون على نمط واحد يعني مره رومانسي ومره حساس ومره شخصية
ومره صارم وهكذا .
6- المرح والبشاشه : يعني ابتسم لها وحاول تضحكها امزح معاها مزح خفيف مو
مرره تزودها .
7- الانصات : اذا بدت تتكلم معاك بكثره فهذا يعني انها مرتاحة لك حاول
تسمعها بكل مافيك ولو سمعت كلام اعجبك بين الشي هذا وامدحها اما اذا قالت
كلام ما اعجبك لاتعقب عليه .
8- قوة الشخصية : بعض الشباب كأنه داخل حرب الله يهديه خذ الأمور بهدوء وروية
لاتستعجل بتسمع كلامك لازم تكون حازم وحنون وأهم شي مقنع حاول تقنعها باللي
تبغاه برفق .
9- الصبر : عود نفسك على الصبر على الزوجة وتعليمها وخليك قدوة لها في
الحياة مو تنصح بشي انت تسويه انتبه .
10- الأعتذار : لو حصل منك أي خطأ أعتذر فوراً ولاتصر على موقفك وصحح الخطأ
وتأكد ان ذلك لايقلل من قيمتك بل انه يرفع من قدرك .
11- تجارب الأخرين : لاتطبق تجارب الآخرين وتأخذ كلامهم محمل الجد وابتعد عن
النصايح الخاطئة لكل انسان شخصية مختلفة وطريقة تعامل اخرى عامل زوجتك
بما تحب بالاسلوب الذي تراه أنت واشدد على المعامله الطيبه وحسن العشرة .
(أتمنى من الجميع المشاركة واللي عنده نصيحة لايبخل من الجنسين)