حبيبتي نورا اسفه على التأخير في الرد
لكن ماصار عندي نت في البيت وصرت ما ادخل النت إلا لما اكون في الجامعه
على العموم انت تامرين أمر انا عيوني لك
انا سويت ريجيم من راسي 
بحيث ماكنت اتجاوز 1000 كالوري في اليوم
اكيد انتي بحكم انك في فترة رضاعه فبتحتاجي لسعرات اكثر من كذا
ريجيمي كان
الفطور : بيضه مسلوقة + كوب حليب خالي الدسم
او شريحة توست قمح أسمر + مثلث جبنة قليلة الدسم + كوب حليب خالي الدسم
واذا ماكنت حاسه بالجوع كثير اكتفي بشرب الحليب فقط
الغداء : قطعة سمك مشوي + خضار مسلوق أو سلطه على حسب المتوفر
أو دجاج مشوي او مسلوق + خضار مسلوق أو سلطه
أو تونه + سلطه
العصريه : شاي بالحليب قليل الدسم محلى بسكر الريجيم
العشاء : بيضه مسلوقه + توست + سلطه
أو نوعين من الفاكهه
الرياضه كانت اني امشي على السير الكهربائي المنزلي لمدة ساعه او ساعة ونصف على سرعة 8 كيلو متر في الساعه كأقصى حد
لكني كنت اتكاسل في بعض الايام ومااسوي
وايام اكون نشيطه واسوي ساعتين بدل الساعه
يعني كان على حسب المزاج
وماكنت اسوي رياضه مخصصه مثلا للبطن او اي شئ ثاني لأنني كنت اتكاسل عنها
طبعا انا أكلي الطبيعي في الوجبات ارسميه في الغالب مش كثير
لكن مشكلتي في زيادة الوزن سببها كثرة اكلي للشوكلاته والحلويات والمعجنات مابين الوجبات
طبعا في فترة الريجيم كنت اشتاق لهذي الخرابيط فكنت اكل منها بس بشكل خفيف يعني كسر للرغبة فقط ( يعني بسكوته او اثنين مع الشاي بالحليب في العصريه وطبعا مو كل يوم
والحمدلله مشت الأمور ونزل وزني
وماتصدقين التحول في شكلي وفي نفسيتي كيف كان
شئ عجيب والله
وأنا بعد تفكير عميق قررت إن الوقاية خير من العلاج
عشان كذا اخذت عهد على نفسي اني مااترك وزني يزيد عن 52 كجم تحت اي ظرف من الظروف
إلا في حالة الحمل طبعا اذا ربي اراد لي
التعديل الأخير تم بواسطة oO عفراااء Oo ; 05-12-2011 الساعة 12:14 PM