المشاركة الأصلية كتبت بواسطة دراما بنوراما

هلا اختي
متأكد من كلامي حتى التحويل لها مقفل لكثرة الطلاب السعوديين في بريطانيا
الابتعاث الان فقط لكندا وامريكا ودول اخرى لغتها غير اللغه الانجليزيه
فنصيحتي لك لا تختارين دوله تكون لغتها غير اللغه الانجليزيه
فيه خيار انا اشوفه الافضل بحكم خبرتي في الابتعاث ولف هالدول من ديرة لديرة
اذا اخترتي كندا الدوله رائعه بس النظام اعتبرة اشد نظام طبعا كل الدول على نفس المنوال ولكن كندا مشددة حبتين لكن امشي عدل يحتار عدوك فيك
ليش كندا
دراسه اللغه ممتعه وتتعلمين اذا ضغتي على عمرك
دراسة اللغه سنة وسته اشهر وفي حال لم تجدي قبول في جامعه, يسمح لك التمديد لسته اشهر اضافيه محسوبه من البعثه مع دراسه كورس في اي جامعه
عيوب كندا الجامعات حكوميه القبول صعب جدا لازم الحصول على درجه معينه في اختبار الايلتس او التوفل الى جانب بعض الشروط وكل جامعه لها شروطها الخاصه
الحلو في الموضوع في حال انك ماوجدتي قبول يمكنك التحويل الى امريكا او استراليا بس بريطانيا لاء لانها مقفله
بالنسبه لامريكا في وجه نظري افضل
يمكنك دراسه اللغه سنه وسته اشهر مافي سته اشهر اضافيه محسوبه
بس في المقابل اذا درستي في معهد بعض الجامعات وخلصتي المستويات يمكنك الدراسه دون اللجوء الى اختبار الايلتس والتوفل اللي تقصر العمر عني انا اختبرتها خمس مرات وبالقوة عديت بعد ماكرهت نفسي بس مافي شي اسمه صعب على الله بس لازم الاجتهاد والتوفيق بيد الله
اذا اختري الدوله وتم القبول ان شاء الله
وطلبو منك احضار قبول من الجامعات لا تروحين لمكاتب ولا شي ترى اغلبهم نصابين
تعالي هنا وبنوقف معك ان شاء الله ونشوف وش افضل منطقة ونراسل الجامعه وناخذ القبولات وتودينها للوزارة
وان شاء الله تتيسر امور
الله يسسر امورك
تحياتي