ان تشجعين النساء على تقبل التعدد وعدم محاربته والتعامل
معه بشكل عقلاني = شي طيب

ولكن انك توصفين من تكتئب او حتى تطلب الطلاق لان زوجها
عدد بانها ما عندها سالفة ! اسمحي لي انتي الي ماعندك ادراك عميق
لعدة حقائق :

- الطبيعة النفسية للنساء تختلف فهناك من تقبل بطبيعة تكوينها
النفسي مشاركة ضرة اخرى لها واقصد بكلمة تقبل : تتقبل الموضوع
باقل قدر من الحساسية والرفض ، وهناك من طبيعتها لا تسمح
فليش نفرض على كل البنات يكونون بنفس الطبيعة النفسية ؟
لازم نحترم الاختلاف في هذا الجانب

- لان فيه نسبة من البنات طبيعتها النفسية ماتقبل هالشي
معناها بعد زواج زوجها عليها بتعاني من ضغط نفسي رهيب
فهل من المنطق ان تظل الى نهاية عمرها تعيش تحت هالضغط
النفسي الرهيب بحجة ان الي سواه زوجها حلال !! لا يكلف الله نفسا
الا وسعها اذا ما قدرت البنت تتقبل الوضع وكان الانفصال بكل صوره
سواء انفصال جزئي او كلي (الطلاق) مريح لها فليش لا ..

- فيه شي اخر يخلي قبول البنت لزواج زوجها صعب عليها (غير الطبيعة النفسية )ا
وضعها بداية الزواج ، بنت زوجها من البداية معطيها كامل حقوقها
ومدلعها اخر دلع وبعد عشر سنوات بيتزوج اكيد بتقدر تتقبل زواج زوجها عليها
اكثر من البنت الي من بداية زواجها وزوجها حارمها اشياء كثير لضعف ظروفه
ووقفت معه قدرت ظروفه ويوم الله فتح عليه بدل ما يعوضها على طول
يتزوج عليها ! تتصورين هذي بعد تضحياتها الي دفعتها من سنين عمرها
سهل عليها تتقبل ببساطة وجود شريكة لها ؟

- وشي اخر بعد (غير الطبيعة النفسية وغير حقوق الزوجة ) يخلي
القبول بالزواج شي صعب انتي ذكرتيه وغقلتي عن نسبته ..
التعدد يحتاج لحرص على العدل في كل الامور + صبر + امانة +
ذكاء وهي كلها امور ماتتوفر بشكل واسع بين الرجال.. نماذج المعددين
الفاشلة نجدها هنا وهناك ممايعني ان نسب الفشل اعلى من نسب النجاح
فكيف يكون قبول التعدد سهل ؟؟؟ مافي بنت عندها عقل تتزوج معدد
عشان بعد كم شهر ولا كم سنة تتطلق .. قلة من الرجال توزن الامور كويس
ولا زلت اتذكر رد الاخ ابو مريم الي ينضح حكمة يوم قال : كيف اعدد
واهدم بيت عشان ابني بيت ثاني .. هل امثاله كثير عشان نقدر نطمئن ؟
لا للاسف

- الحيادية هي الي تخلي النقاش منطقي وله مصداقية ، نجاح التعدد
او فشله يعتمد بالمقام الاول على الرجل ليتك وجهتي الكلام له اولا
ولكنك سكتتي تماما عن هالموضوع واثر هالشي بتشوفينه بالردود


عموما محاولة جميلة من جهتك عسا الله ان ياجرك عليها
ولو اني اموت اعرف وين هي به الفلة الي معطينك عشان تكتبين
هالموضوع عساه بحين زين بس

وينك م س د ا ن ي تزينين لي عصير ليمون

__________________



احيانا يجب ان نفقد ذواتنا كاملة لكي نستعيدها كاملة ...