السلام عليكم ورحمة الله وبركاته
غاليتي بدي انصحك نصيحة اخوية من القلب ان كنت مخطوبة او لست مخطوبة متزوجة او غير متزوجة اي شي فيه شبهة ابتعدي عنو بارك الله بامرأ رد المغيبة عن نفسه وانت بتعرفي حاليا صار الشخص نفسو اذا معو بلاك بيشك بنفسو انو معقول كون عمل اعمل تشات مع بنات\شباب وانا مو دريان
بعدين حبيبتي العناد والزعل واخد موقف من الخطيب هاد ابدا مو بمصلحة علاقتكن ورح تجر وراها مشاكل كبيرة وعدم ثقة متبادلة وتكون لا سمح الله مدخل للشيطان بينكم استهدي بالرحمن وصلي على خير البرية
واذا حابة تغيري موبايلك خدي ايفون خدي احدث شي نزل بالنوكيا واكيد مارح يعترض بالعكس رح يفرح انك التزمتي بكلامو ويحط موقفك فوق راسو
بكل الاحوال والله مانها بالشغلة يلي تكون سبب زعل بين خطيبين او زوجين والله يتمملكم على خير يارب ويبعد عنكم الزعل ويجعل بينكم وبين وساوس الشيطان سد منيع ولا تسمعي لكلام الصديقات لان احيانا نصائحهن عم توصل بعيد الشر عنكم لمصايب انفصال وغيرو
اذا بتحبي تتأكدي شوفي القصص يلي بهاد القسم وخدي عبرة ومتل ما بيقول المتل( نيال يلي بيتعلم من كيس غيرو ) بس مابعرف شو المتل المقابل الو عندكن بالخليج
تقبلي مروري صغيرتي ودمتي بخير وفرح وسعادة
اختك في الله ينبوع العطاء