منتدى عالم الأسرة والمجتمع - عرض مشاركة واحدة - طريقة تصليح المكيف الاسبيلت اذا كان ينقط ماء
الموضوع: طريقة تصليح المكيف الاسبيلت اذا كان ينقط ماء
عرض مشاركة واحدة
قديم 07-12-2011, 08:30 PM
  #22
عاشق الجواهر
عضو متألق
تاريخ التسجيل: Nov 2007
المشاركات: 646
عاشق الجواهر غير متصل  
اقتباس:
المشاركة الأصلية كتبت بواسطة سلامه14 مشاهدة المشاركة
السلام عليكم ورحمة الله وبركاته
احترت وين أحط الموضوع بأي قسم ؟لكن هالقسم ممكن يكون هو الأنسب..

اليوم جايبتلكم طريقة رائعة لتصليح المكيف السبيلت اذا كان ينقط مويه
نوع المكيف . LG ****

ومضمونه لاني مجربتها على أكثر من مكيف (ما شاء الله ) ....وراح تريحكم كثير من تكاليف تصليح المكيف ....
خطوات العمل:
1_ أغلاق المكيف من الريموت وكذلك من الزر الاحمر.(أهم نقطة )>>>عشان ما يحدث التماس كهربائي لان المكيف كله مويه ..

2- . نبدا بفتح المفاتيح بواسطة (مفك)ويتضح لنا ان هناك ثلاثة مفاتيح اسفل المروحة ..والرابع بعد ما يفتح الغطاء نلقاه (يسار الشاشة الصغيرة اللي فيها اللمبة ).. ,,أشرت للمفاتيح بالصور للتوضيح.

3_اذا فتحنا جميع المفاتيح خلاص يكون وجة المكيف جاهز للتنزيل
لانه من فوق مثبت بدون مفاتيح حاولي تحريكه يمين يسار لين ينفتح ونزليه ..واذا نزلتيه (نقوم بتنظيفه)مسحيه الوجة بمنشفه مبلولة ونزلي الفلاتر واشطفيها بموية وصابون وخليها تنشف قليلا..

4_ المكيف الآن بدون وجه اامسحي أعلى المكيف والواجهه بمنشفة برفق ..
5_ النقطة هذي أهم نقطة في تصليح المكيف جيبي سلك مثل السلك اللي بالصورة ..

واذا فتحتي وجه المكيف راح يتضح لك
ان الماء ينقع مربع صغير يمين المكيف وأشرت اليه >

المربع هذا فيه فتحة دائرية بنهايته دخلي فيها السلك لين تتصرف الموية وينفتح السدد ,,واذا راحت الموية جيبي موية أضافية في أبريق وصبيها برفق في هذا المربع ..و بكذا نكون انتهينا .....

6_ وأعيدي وجة المكيف لمكانه ..وركبي الفلاتر ..وأغلقي المفاتيح بالمفك ...وأنعمي ببرودة منعشة ....
الله يجزاك خير والله والله والله ان عندي المقلط المكيف ينقط طفشنا من القدور كل شوي نحط قدر ونبعد الكنب

زوجتي تقول جب كهربائي يصلحه واقولها طيب وراح الصيف وجا الشتاء ما جبت احد بحفظ الطريقة علشان لما ترجع زوجتي اشتغل قدامها واصلحه واسوي اني انا المصلح وافهم