المشاركة الأصلية كتبت بواسطة ليه الغرور؟

الزمن تغير وكل شي تغير سبحان الله..

الاحظ ان البنات ماصارن زي زمان يحملون من اول مايتزوجون...الحين مدري ليش الهرمونات تتلخبط مع ان البنات لسا صغار ولاخلفوا قبل..اغلب البنات الي تزوجوا الحين واعرفهم ماحملوا من سنه بسبب هرمون الحليب..

وانا تاخرت 7 شهور بعد زواجي ماحملت ايضا بسبب هرمون الحليب...مع ان امي وجداتي وخالاتي وعماتي الكبار ماشاء الله ولادات..لكن بناتهم طلعوا العكس...مانحمل الا بعلاج..والسبب هرمون الحليب مرتفع ارتفاع بسيط...وانتي يااختي لاتتهاونين بهرمون الحليب ترى احيانا يكون صعب وفيه ثنتين اعرفهم لهم 10 و16 سنه ماخلفوا بسبب هرمون الحليب

اعتقد واكيد ان الاكل له دور كبير في لخبطة الهرمونات او ان الجو فيه شي نستنشقه من دون ماندري..

حتى الفواكه والخضروات ماصارت صحيه زي اول يرشوها بمواد ويحقنوها هرمونات والدجاج واللحم وغيره..

اقسام العقم وتاخر الانجاب في المستشفيات والمنتديات صارت زحمه بشكل غير طبيعي الله المستعان..

ممكن يكون من علامات الساعه؟؟ الله اعلم