الله يصبرك..ياليت تروحين لاهلك تسلمين عليهم وترتاحين عندهم لان واضح نفسيتك تعبانه من هالموضوع...اطلبي من زوجك بعد مايجي من السفر يوديك لهم تغيرين جو..قبل لايطق فيك عرق وتموتين من الهم ولايجيك مرض من الكبت..

اختي هل زوجك يقرب لك...او من نفس القبيله؟ هل سألتوا عنه قبل الزواج؟وانتي الان تسكنين مع اهله في مدينه ام قريه نائيه؟؟

وحاولي لاجا زوجك ماتبينين انك زعلانه يعني ناقشيه بعد مايجي من السفر بفتره..وزوجك الله يهديه ماكان المفروض يسافر وهو وراه بيت وبني يعني الفلوس بدل مايحطها في السفره كان حطها في بيته..

وبالنسبه لولدك لاتخافين يااختي الولد معروف لامه..ومايقدرون يذلونك بولدك الدنيا ماهي فوضى فيه شي اسمه محاكم وقوانين..
وياليت تنتبهين من مسالة الحمل..وتستخدمين مانع..لان زوجك مو متحمل مسؤلية طفل واحد ومايصلح يكون أب..

انا آسفه من هالكلام..بس انتي عارفه زوجك وعارفه وضعك زين..وغلط اجي اضحك عليك واهديك واوهمك واقلك كلام انا عارفه انه مايجيب نتيجه..ومافي احلى من المنطق والصراحه..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها