منتدى عالم الأسرة والمجتمع - عرض مشاركة واحدة - زوجي أرسل مسج لقريبته المتزوجه و ما قالي!!

09-12-2011, 01:30 PM

#30

والله احبهم

عضو نشيط

تاريخ التسجيل: Apr 2011

المشاركات: 102

اقتباس:

المشاركة الأصلية كتبت بواسطة noora

شوفي ياقلبي
زوجك غلطان ذوقيا .. زي ماقلتي كان مفروض قالك ..
بارك الله فيكي

بس غلطك اكبر لانك جيتيه بالصوت العالي وزي مانتي عارفة الزوج
اولا مايحب الصوت العالي و الصراخ ..
باسلوبك معاه حسستيه مايعرف يتصرف
وانه زي الطفل بلا شخصية وكل كلمة وكل موقف لازم يقولك عليه
انا عارفة انه هذا ماكان قصدك و انك ماخذة الموضوع ابسط من كدا
بس سبحان الله هنا الفرق بين تفكير النساء و الرجال ..
والله ما كان قصدي كدا أبداً، و أنا ما رفعت صوتي،، أساساً الصوت العالي يوترني و يخوفني و ما أعرف اتصرف
راح اعتذر منه و اشرح له إنه مو قصدي كدا،،، و إن شاء الله ما يكون أخذها زي قلتي

نفترض مثلا كنتي عاتبتيه بهدوء او ضحك ..
مثلا : حبيبي اليوم فلانة اتصلت و تقول لي لليش تبغي الرقم و انا اقولها اي رقم
والله حسيت نفسي هبببببلة .. الا ايش موضوع الرقم
وبعد مايقولك القصة .. بترجعي تقولي له اهاااا .. الله يشفيه ان شاء الله خلاص
برجع اطلبها الرقم من جديد .. اصلا هي استحت ترسل لك (هنا بيعرف انه مش مفروض يرسل
اي قريبة له عشان مايسبب لها احراج ) يعني وصلتي له
اولا فكرة انه تخبية الموضوع عنك بينك بشكل مش كويس قدام الغير فا لحااله مابيعيدها
و فكرة ارسال رسالة لامرة ولو كانت قريبة تسبب احراج لها فاراح يبطل من حاله ..

تعرفي إنه سهل الواحد يحضر نفسه بسيناريو مثل هذا لو كان فكر في الموضوع و خطط له مسبقاً
لكن أنا كلمته في الموضوع لما كان جداً رايق..

رجع من شغله أكل الغدا.. تابع الأخبار لعب مع العيال، أكل الحلى.. و كنا جداً مبسوطين و عاديين يعني
و أنا والله ناسيه الموضوع، بس بالصدفه و ما أدري ايش ذكرني.. قلتله بكل هدوء و نحنا نتعشى
اليوم فلانه اتصلت فيني و من ضمن الكلام سألتني عن السالفه
و فجأه اتغير زوجي و بدأ يتنرفز و رفع صوته و يعيد و يزيد إنه ما عندها ذوق و وقحه و ليش تقلك انتي و انتي ايش دخلك في الموضع
و ليش ما ردت علي أو اتصلت على أمي تعرف منها الموضوع. و هو متنرفز و يصارخ و حتى العيال خافوا
قلتله لو سمحت لا ترفع صوتك و اتكلم بهدوء بس ماهو سامعني ومعصب و يسألني ليش تقولك انتي؟
فقلت المفروض أنا إللي ازعل مو إنت، و كنا إجتنبنا كل هذا لو قلتلي انك رسلتلها أو حتى طلبت مني أسألها و أجيب لك رقم أبوها
المهم إنه دخل الكلام في بعضه و هو رافع صوته (أول مره اشوفه بالشكل هذا و خاصة إنه المسأله مو مستاهله)
زوجي بالعاده هادي و متحكم بأعصابه

فهمتي قصدي ... الللوم المباشر و التقريع اببببدا مايفيد مع الرجل ..
حتى لو الغلط راكبه ماراح يعترف لانه الحين شايف انه غلطك بلومه و مراددته اكبر من غلطه ..
المهم اما تقصري الشر و تروحي تكلميه عاددي

او تستنيه يكون مروووق و تروحي تدفسي بحضنه و تقولي له معليش رفعت صوتي شوي
كنت معصبة وجت براسك مين بيستحملني غيرك حبيبي .. و ممكن توضحي له وجهة نظرك بهدووووووء

مششي الموضوع ياقلبي و ربي يجعلها اخر الاحزان

أشكرك حبيبتي