لا ياعفراء تفسيرك غلط مع احترامي لك...

عزيزتي تايهه...جملة<<فاقد الشي لايعطيه>> معناه ان انا فاقد الحب عندك كيف تبيني اعطيك...زي مثلا لما تكونين ماتحنين على زوجك وتبينه يحن عليك..بيصير هو فاقد حنان فكيف بيعطي حنان وهو اصلا فاقده ولايعرفه..وقصده انه انتي اعطيني وانا اعطيك ...ولاتصدقينه في هالكلمه

<<فاقد الشي لايعطيه<< هذي جمله لاتودي ولاتجيب واصلا غلط والي اخترعها ماعنده سالفه..لان الحب والحنان وكل شي موجود عند اي شخص سواء فاقدها ولا مش فاقدها. بدليل انتي فاقده من زوجك كل شي ومع ذلك معطيتيه كل شي..صح ولا لا؟؟.

.واهم شي انك ماتهتمين بهالكلمه الي قالها لانه قالها بس عشان يطلع نفسه من التحقيق لانك حشرتيه وماعرف وش يقول وفي النهايه يبي يحسسك انك انتي الغلطانه وانتي السبب مع انه من داخله عارف انك مش غلطانه<<<هذا هم الرجال..لاتستغربين...

بس انتي منتي كذا بالعكس اعطيتيه كل شي وهو عارف كل شي...ومثل ماقلتلك..زوجك مايبيك تخلينه محور حياتك..انتي شوفي اسلوبك وغيريه للعكس...فاهمتني...بس مو لدرجة انك ماتهتمين نهائيا..لا اهتمي بس لاتدققين في كل شي لاتطلبين من زوجك حب خليه هو يعطيك من نفسه. لاتجرين وراه ابدا.انا متأكده لو ثقلتي راح تشوفين كل شي تتمنينه..انتي بس جربي ليش ماتجربين شهرواحد..وتشوفين النتيجه..

وصدقيني اغلب الاسباب الي تخلي الزوج يبعد عن زوجته على ماكثر ماقريت في النت لقيت اغلبها .هي الاهتمام الزايد عن حده واعطاء الزوج اكبر من حجمه وتخلينه محور حياتك.والتدقيق في كل شي.وانه الوحده في الطالعه والنازله تقله احبك واموت فيك وتتلصق فيه..هذا الشي الي يغث الزوج..

ومثل مايقول المثل<< اتركه تملكه>>

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها