منتدى عالم الأسرة والمجتمع - عرض مشاركة واحدة - زوجي تغير لاأشعر بأي قيمه لي في حياته أشعر أنه لايحبني

10-12-2011, 02:36 PM

#48

العـ/الفريد/ـقد

عضو متألق

تاريخ التسجيل: Aug 2011

المشاركات: 2,267

اقتباس:

مع انه يبغاله دق خشم*

:14:
جابت العيد تايهه هههههههههههههههههههههههههه

والله وانتي معصبه شي..

تعالي أقولك..... ألحين فكرة (أكون معك) صاير يشوفها بالغصب والقوة
وهذي النقطة اللي ما بغيتك توصلين لها..
ليش؟؟... لأنه للأسف راح يعند الحين زيادة ويتمسك برأيه..
يقولون الأولين عندنا .... مطاحنة جبال ولا مطاحنة رجال
فتعلمي انك ما توصلين لنقطة العناد والقوة وبالغصب...
لأنك ببساطة ما راح تحصلين شي حتى لو اقتنع بكلامك ماراح يمشيه وراح تطلعين صفر اليدين

اقتباس:

يقول اقري وش يسعد الزوج
اقوله انت قولي يقولي خليك مطيعه لي وبترتاحين

قولي لا إله إلا الله
وصلي على نبي الله محمد
عليه أفضل الصلوات وأتم التسليم

ألحين انتي وش بتخسرين لو عطيتيه جوه؟!
ترى مو معناته مالك شخصية ولا خبله ويمشيك على هواه
لا ياماما غلطانه ان حسبتيها كذا
بالعكس انتي اللي بتملكينه وبتمشينه على هواك..
وبعدين تعالي حتى لو قالك يمين ولا شمال ترى طاعته واااااجبة إذا مافيها معصية للخالق

للأسف أغلب البنات لما يتزوجون هذي فكرتهم- أنا ما يمشيني على كيفه وأصير بدون شخصية أو بمشيه على كيفي-
وترى هالمصيبة وهالفكرة الغلط هي ورى طلاق كثير من البنات...

والله الذي لا إله إلا هو إن وحده يا كثر ما مسكتها وفهمتها غلط الفكر هذا ما تفهم
تدرين وش تقول؟؟
تقول معروف في العايله ان زوجك ما يخالف أمرك اكيد انتي مسويه شخصيه عليه ويخاف منك !!!!!!
يمين وقتها كان ودي أعطيها كف على وجهها لأني ما أحب أحد يتكلم عن زوجي بهذي الطريقة
أقولها غلطانه أنا أعلمك وش أسوي
السالفه اني طعته وبعدها هو طاعني لا أكثر ولا أقل
تقول لا مو كذا>>>>> عليها مخ ذاك الليل قمت وأنا أقول توبه ان كلمتها ولا نصحتها
والله بعدها ما مر كم شهر إلا وزوجها طلقها للأسف.... وتزوجت واحد ثاني ما أقول إلا الله يعينها والله لو تقعد مليوووووون سنة تحاول فيه بالطيب أو بالبطال ماراح يتزحزح من مكانه....

شيلي هالفكرة من راسك وانقذي نفسك وإذا ما عجبك شي بالتفاهم تمشي المركب ومافي شي بالغصيبه
ولا يقدر يجبرك على شي..

بس تعالي أقولك شي: انتي خليك ذكية وادخليله من مدخل شلون أريحك وانت في بلد وأنا في بلد ثاني؟؟
شلون أقوم بحقوقك وأنا ما أشوفك إلا يومين؟؟
وأحيان يمر الأسبوع واللي بعده وأنت بعيد عني....
وزيدي عليها من هالكلام الحلو ولا تاخذينه بالعناد

وبسألك ألحين في بيت أهله وش دورك؟؟؟
تطبخين كل يوم؟؟؟؟ قوليلي من أول ما تصحين لحد ما تنامين وش تسوين معهم