طيب ألحين الشعر
أهم شي ياقلبي إهتمي فيه من ناحيه التزيت في الأسبوع مرتين او أكثر مرره مفيد للشعر
عندك زيت دابر حلو بس رايحه تصرع بس ياقلبي إصبري الزين يبي له
وإذا ماجاز لك
حطي لك زيت السمسم حلو يرطب الشعر وخاصه الشعر الجاف
وزيت خروع يطوله ويسمك الشعر
وزيت جريجير ممتاز للشعر
أخلطي هالزيوت بكميات متساويه وفي الأسبوع مرتين حطيها علي شعرك وحطي تعرفين الاكياس إلي للشعر حطيها عليها
وكان تشترين لك أله بخار للشعر إلي في مشاغل يحطونها لحمام الزيت
أنا مو عندي بس فيه بنات يشترونها ويحطونها في بيوتهم بدل كل مره حمام زيت في مشغل
* البشره
أهتمي تنظفينها قبل تنامين وترطبينها راح تطلع لك روعه مع الوقت وأساليني
مافيه مانع من الأقنعه بس مااتأثر مره
أهم شي كريم مرطب , واقي شمس , كريم للهالات السود
الكريم المرطب حاولي دايم ترطبين بشرتك وجسمك عشان تطلعين ناعمه
ولا تنسين كل ثلاث شهور المشغل بدكير ومناكير
وأخر شي روحي لطبيبه أفحصي وخليها تعطيك فتامينات ومكملات غذائيه مره تقبل تخليك قمر
وخلاص ياحلوه أتمنى أفدتك
وبصراحه حمستيني ودي أنا بعد أبدا برنامج اغير شكلي وش رأيك نبداء مع بعض 
والله جد إعتبريني مثل أختك ويالله نحمس بعض وإذا وحده من البنات تجي معنا خير وبركه منتظره ردك
يالله كل أسبوع كل وحده تقول وش أنجزت بس شوي أنا ثلاث أسابيع أعذرني بكون كسوله شوي 
عشان علي إمتحانات من بعدها نشوف من أكثر وحده تكون تمام وتنظم في البرنامج إلي راح نسويه
ويارب تطلعين لنا أحلى وأجمل من العروس في زواج أخوك ونشوفك عروس قريب إن شاءالله
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه