السلام عليكم

بصراحة لا اخفيك حطيت نفسي مكانك ولقيت اني باتصرف نفس تصرفاتك وبنفس حرقتك

وبعدين طلعت نفسي من الصورة وبديت افكر بعقل بعيد عن المشاعر

وابغى أسألك سؤال

وش المشكلة اذا صدقتي انه مو هو اللي كلمك عالمسن
وصدقتي انه ما اعطى اهله خبر يمكن حد تجسس عليه وعرف

ايش المشكلة لما تسوين نفسك مغفلة؟

بيتك باقي عليه كم شهر ويخلص

السراميك عيدي تركيبه فيما بعد
بعد ما تستلمي المفتاح
وبيتك يصير ملكك وبعد كذا زوجك ينقل عندك وتعيشين الاستقرار اللي انحرمتي منه
هاليومين وبتكون مجرد ذكرى اليمة او سعيدة زي ما تصنعينها انتي

يعني كم سنة (اذا طالت المدة) وتصيرين ربة بيت في بيت ملك ووسط عايلتك مع زوجك اللي يحبك ويصرف عليك ومع عيالك اللي تدعين لهم ان يكونوا صالحين

ترى هالحياة كثيرين يحسدونك عليها
شوفي كم عوايل لحد الآن ماعندهم بيوت ولا حتى يحلمون يكون لهم غرفة تمليك
وكم حريم بعيدين عن زوجاتهم مسافرين عملهم برا يعني برا على طول السنة مو بس اربعة ايام
وكم حريم تكد الحرمة وتشقى موظفة والا تاجرة والا حتى تخدم في البيوت او تخيط وآخر شيء الزوج يأخذ كل اللي بيدها
وانتي ماشاء الله وان كان زوجك ما يبادر بالهدية فهو عالقليل يجيبها اذا طلبتيها
انتي الحين وبظرف شهرين عندك طقم ذهب وآي فون وبتجيك ادوات مكياج

وناس يمر 5 ويمكن 10 سنوات ما يفكر الزوج يجيب هدايا خصوصا وهو اللي يصرف عليها
يقول / مو كفاية اكلك وشربك ولبسك باقي تطلبين هدايا واشياء مالها لزوم

طيب نرجع لموضوعك
انتي حاولتي بكل الطرق تكونين مع زوجك وماقدرتي خلاص وقفي محاولاتك لإقناعه
كلها فترة بسيطة وتكونون سوا ان شاء الله

هذي الفترة البسيطة صلحي فيها علاقتك معه
وخليها مثالية

عبري له عن غيرتك عليه

وعن الايام الصعبة اللي عشتيها وهو مسافر

قولي شقيت الستارة وانا اتخيل البنات يلاحقونك
بغيت اقطع نفسي بالموس وانا افكر وتخيلتك والبنات يأشرون عليك ويصورونك
جيبيها على اساس ان الشر برا وبعيد والا هو اسم الله عليه على العهد وعلى قدر الثقة

وان نفسيتك زفت وانك كنتي تبكين وانك ماقدرتي تردين عليه وانتي نفسيتك كذا علشان لا تشدون في الكلام

مو كذا احسن من انك تروحين تفتشين وراه وتتأكدين انه راعي علاقات
وتكدرين نفسك زيادة وتعافه نفسك وتصيرين ماتبينه وتتطلقين
ويروح يتزوج وحده جديدة ويعيشها في بيتك وتأخذ عليك زوجك وبيتك وولدك
وينساااااااااااااك وكأنك ما عشتي معه ولا كأنه شافك

لا تتجسسين خليك مغفلة خليك غبية عشان تعيشين حياة حلوة وبسيطة
لانه باختصار كل اللي في راسك اوهام
لا تتمنين انه يوقع في يدك شيء لا تتمنين لنفسك ولزوجك الشر

يمكن هو ما يمسح المحادثات ولا شيء زي ما تتخيلين

وحطي في داخلك ثقة انه يحبك لأنه زوجك حتى لو خدعك هو في النهاية زوجك ما حد يلومك لو حبيتيه
لو ضيعتي وقتك في خدمته
لو طعتيه في كل شيء عدا مايغضب الله

البنات اللي يغازلون يقدمون كل هذي التضحيات ومبررهم الوحيد احبه
طيب هذا زوجك وبالحلال قدمي كل هذا واكثر
عشان تربحينه
ومو شرط من اول جولة
مخترع الكهرباء نجح في توصيل الكهرباء بعد 999 محاولة خطأ
يعني اللي يبغى يوصل بيوصل
هدي اعصابك

زوجك يحبك ويحب ينرفزك
مو شرط لما يكون يحبك انه يحب المسؤولية
يحبك بس ما يحب المسؤولية
ويمكن يكون عنده اسباب مقنعة لرفض انتقالك معه

مثلا المنطقة اللي ساكن فيها فيها شباب طايش منحرف يخاف احد يطب عليك وهو برا
او ان اهله ضاغطين عليه ماياخذك او اي شي ما تعرفينه

بردي اعصابك وعيشي ايام حلوة مع زوجك احسن من انه تجي وحدة تأخذ منك كل شيء بببرود
وانتي تحترقين في بيت اهلك وانتي تسمعين اخباره

معليش طولت عليك وكلامي مو مرتب