حبيبتي زوجك طلب منك التثقف في معاملة الرجل
غاليتي بقولك شغلة الرجال طريقة تفكيرهم تختلف تماااااااااامااااااااااااا عن النساء
لازم ياقلبي تفهمي شخصيته وطريقة تفكيره
بالنسبة لطريقة تفكير الرجل عموما في كتاب اسمه ((الرجال من المريخ والنساء من الزهرة)) انصحك بقراءته وموجود منه نسخة الكترونية في النت

وبالنسبة للشخصية مثل ماسبق وقلتلك في اختبار بوصلة الشخصية في موقع مملكة بلقيس

ارجوك غاليتي لاتهدمي بيتك

الرجل لايحب المراة التي تحاصره بمشاعرها وخوفها وانتقادها وقلقها وشكها فهو يشعر بالقيود من خلال هذه المشاعر

ولكن يحب المراة التي تهتم به وتحتويه وبنفس الوقت تعطيه مساحة من الحرية

ارجوك غاليتي اسمعي نصيحة اخت محبة اشغلي وقتك بممارسة هواياتك وابتعدي عن الوساوس والاوهام
اقراي كتب - نمي مهاراتك - احضري دورات - اتعلمي اشياء جديدة تبدعي فيها في منزلك واسرتك
جددي من شكلك لنفسك ولاجلك انتي لا لاجل زوجك

ارجع واكرر عليك كلامي انتي طيبة وزوجك طيب لكن مشكلتك لاتفهمين طريقة تفكير الرجل وزوجك لايلبي احتياجاتك النفسية بتواجده معك لكن فكري بالمشكلة على انها (( قابلة للحل )) واطرحي الحلول المنطقية العقلانية وليست العاطفية

ولاتفكري انه زوجك بيلغي شخصيتك هذا زوجك سترك وغطاك انت اتعاملي معاه بما يرضي الله وتقدري بالكلمة الطيبة تكسبي كل شئ تبغيه

اقولك على قصة ياقمر حكاها لنا مدرب حضرنا عنده دورة
المدرب يقول انه كان يعمل استشارات اسرية وجاته زوجة تشتكي من زوجها انه مايخليها تطلع الا بطلوع الروح
لاتروح لاهلها ولا زيارات ولاتخرج الا بالنادر جدااااااااااااااا فسالت المدرب اش اعمل مع زوجي؟؟؟

قالها المدرب : لما تبغي تطلعي البسي عبايتك ومري من عند زوجك قوليله ابي اروح المكان الفلاني .. طبعا ردة فعل الزوج اكيد انه حيرفض ...
فقالها المدرب هنا يجي دور الزوجة انها تطيعه وتشيل عباتها وتعطيه من الكلام والريق الحلو :: سم وحاضر وعلى امرك

وقتها الزوج حيستحي وحيسمح لزوجته تخرج

تعرفي اش السر هنا؟؟؟؟؟؟؟؟؟؟؟؟؟؟؟؟؟؟؟؟؟؟
السر انه هذا الزوج بالتحديد عنده احتياج نفسي للسيطرة وهو ماعنده احد يسيطر عليه الا زوجته وهي لما شالت عباتها وقالتله سم وحاضر وعلى امرك اشبعت عنده هذا الاحتياج ومن بعدها والزوجة تدعي دايما للمدرب على نصيحته وتقول انها جربت العناد ومانفع وجربت الزن والنق ومانفع وجربت تقارن بينها وبين سلفاتها وبرضو مانفع وكانت طريقة المدرب الطريقة الوحيدة النافعة

فانتي شوفي زوجك اش يحتاج اتوقع يحتاج شكر وتقدير على تعبه وجهوده وبناءه للمنزل

حاولي تجذبي زوجك ولاتنفريه منك حبيبتي والله يرضى عليك اتثقفي واقري وافهمي شخصية الرجل