اللهم صل علي محمد
ولا اله الا الله

خواااتي الغاليااات ليه الغرور والعقد الفريد

عفرا والثانيه ووردة المخمل ونيوتيلا

اول شي اشكركم من كل قلبي*
والله يحقق امااااانيكم يارب العالمين
فانني ابتدي احداثي بدعوة صادقه من قلبي*
قبل كتاابه مابخااطري
لاني والله الذي لا اله الا هو لو ماكتبت قصتي هنا وسمعت بمشوراتكم وارائكم كان هدمت بيتي بنفسي
ولانكن والله اعلم بما اقول انكن هدأتن من حالتي النفسيه شوي واحسكن فعلا معاي بكل شي
وما اقول هالكلام دليل على ان مشكلتي انحلت لكن بإذن الله راح تنحل وانتن معي


عفرا وليه الغرور بصراحه جاني احبااااط من هالكلمه فاقد الشي لايعطيه*

وبقوولكم تفاصيل ايش صار من جا لين راح
الله يعينكم على القرايه

بس ابي احس انكم فااهميني زين

قالي بجي قمت تجهزت وجهزت الغرفه ورحت اسوي غدا طبعا متأخر
ماجا في بالي اسوي قهوه لانه بيتأخر

وانا ارضع جا وانا ماسويت قهوه والغدا توي احطه بالفرن اهله تغدو اشياء بسيطه لاني كنت بسوي لهم ورفضت خالتي تقول تونا مفطرين خساره تصلحين غدا؟؟؟؟؟
بس باقي انا وهو
واول مره بنتغدا مع بعض

وجا دخل الغرفه بعد ماسلم على اهله
وسلم علي ببرود انا اللي بضمه وجت الضمه مدري كيف باارده جدا يسلم علي سلام رجال بوستين والسلام

وسلم ع ولده ويلعب معاه
ماقدرت احط عيني بعينه بالبدايه من حركته
بعدين سألته تقهويت لانهم عندهم قهوه بالمجلس الخارجي

قمت سويت قهوه تقهوينا مع بعض
امه وابوه راحو للغنم'،،، فرصتنا نكون مع بعض

وقلت له عبالي بتطول عشان كذا اخرت الغدا
قال قايلك حدي يعني موعاجبه التأخير

تقهوى ولاسولفنا ولاساالفه مع بعض
يلعب مع ولده ويطالع التلفيزيون او على جواله

قمت جهزت الباقي من الغدا
السلطات والرز وكل شي استوى
ولما جيت لقيته طالع لاخوانه ارسلت له العدا جاهز
وحطيت الغدا وبنت اخوه الصغيره معنا بس عقلها اكبر من عقلي بالسوالف تربية شيبان هي اللي امها وابوهاتوفو بحادث
سوالفها حش وتحريش وغيبه وفلانه وعلانه وفلان وربي ارحمها تعرف كل شي وهي بهالعمر وتسبب مشاكل دايم بكذبها وهي ماكبرت باقي
واول ماسمينا جت عمته *وتغدت معانا

وبدينا نسولف عشان ماتشك بالوضع وانا اضحك ولا كأن شي صاار*
بالعكس مهتمه مره فيه
اقطع له التفاحه واعطيه السلطه*
واخليه الا يكمل صحنه

وغيرت جونا شوي نع انها فضيعه هالعمه شينه بالحيل

واذن العصر وراحت وقمت ارضع ولدي ولحقني*
قال نومي ولدك وخليك جاهزه فاهمين قصدي*
انا ضحكت له وضحك

وماتجهزت له جا وولده مانام *وكان معاه اكياس بيديه الثنتين

وانا اصلي واول ماخلصت صلاه*
قالي غمضي عيونك وهاتي يدك
ولبسني ساعه *خيااال
وغاليه
وفتح كيس قال هذي ملابس لامي وللبنت*
وجاب لي انا *(ملابس واكسسوارات وجراب للايفون والمكياااااج)
بصراحه انصدمت وقلت الله لايحرمني منك
ومن هالحركات وضحكتي مافااارقتني


وولدي مانام حاول حاول وزاد ولدي بالبكا المهم طفش وطلع*

قال اذا نام دقي علي*

ونوومته ودقيت طول ماجا لانه جالس مع اهله

ولما جا بدون اي كلاممم كان مشتاق
*بس مو زي كل مره حسيته بس يبي يخلص
*بس بصراحه انا كنت بارده لان تفكيري مشغول

وطلعت ظنوني غلط الحمدلله
مع ذلك افكر الصباح اليوم اقول وش بيمنعه دام كلامه كذا

وعلئ طول تسبح وطلع*

وانا اول ماطلعت من العرفه *رايحه بشوف البيت لقيته يقول تعالي نشوفه مع بعض
ورحنا وسولفنا عن البيت ووو وانه مايتعدل اللي سووه*

ورجعنا جلسنا مع امه وقالت لي ترى فلانه مسويتلك عشا وتنتظر ردك بتروحين لها ولا لا

قلت تعزم ولاتقعد ماظنيت بروح واطالع بزوجي

خالتي ماتبغاااني اروح عارفتها زين عشان ولدها

انا قلت بكيف فلان ولدهاا يبغاني اروح رحت يبغاني اقعد قعدت وسكت شوي وقال دقي اعطيها خبر انك بتجينها
*بس حدك الساعه كذا بعدها بسكر الباب عنك

قال روحي عشاني بتابع مباراه مو فاضي*
قلت اوكي
بس بصراحه ماتوقعته يخليني اروح على بالي العاشق الولهان

تجهزت ورحت*
وجيت علئ وقته*
ولقيته ينتظرني برئ
واخذ ولده وجابه للغرفه ولعب معاه
على بال مانام ولدي لان الساعه متأخر
قال انا بناام علشاانه يداوم بدري*
بيمشي الساعه 5
قعد يفتش لجوالي والصور قلت خله عنك وانت خليني اشووف الصور

وقعد يسولفي علئ كل صوره واقوله اي شفت وشفت اختي راحت لهلمكان ووو

وقلت له ان شا الله اول مره واخر مره بدوني

قال لا اذا حصلت مثل هالطلعه باذن الله بطلع

كل هذا ويقولي كذا وجي تلون خلاص ماقدر ابتسم بس اناظره

وقام يسولف وانا سااكته ماعاد تكلمت

يقولل مو وقت اجازه ولاتلقين الناس متسدحه ع الشاطي بمايوهات

انا ماتكلمت ابيه يكمل ومن غير مصدومه منه

قال والله ان الناس فيهم المتحجب وفيهم العاري وفيه من الفساد كثير

قالي ان فيه بنتين نادوه يبغونه ولبسهم خالع وبتعطيه الرقم عشان يروح معها يقول وانا ااشر لها لا لا
ونبعد*

((((((يقول والله ان السفره لبرى على الصحبه اللي معك
اذا كانو رعين هالاشيا بتتورط
وبعدين ليه الواحد يجيب لنفسه الامراض
ماقال حرام ماقال ربي*
قااال والله الواحد لو بيطالع زين مايمسك نفسه))))))))))

انا قلت من غيرهذا كله الاهم انه حراااااااام ربي يشوف كل شي
قال ربي يشوف كل شي

وانا هادية جدا مخليته يكمل الكلام
ودق جواله قال بسم الله انت شدراك يعني الناس كلها عرفه انه مسافر برئ الدليل اللي دق

قلتله عارفين وامك عارفه و و
قال اخوياي اكيد فرحان بسفرته بيسولف لهم
ويقول امي لا ماتدري حلفت له انها تدري اجل الملابس مت وين

وقلتله فتن و و ان شا الله الجايه معاك وعدت عليه اول مره واخر مره بدوني قال لا
وسكت وبس قعدت اطالع له

قالي انه من الاربعااء بدبي والخميس والاسواق لو اني فيها ماطلعت وانو وانو
*لما شافني ساكته مره قال تمنيتك تشوفي وتشوفي بس الا السوق هههه

ومارديت عليه قال خليت صديقي بالغصب نروح لدبي ولا ماكان يبينا نروح وحلفت عليه غير نروح هو اللي ودى صديقه
يقول الشارقه كنك بالرياض *ودبي انفتاااحيه قلت مهرجان الخميس حفل

قال مادري*
يقول العالم غير


تدرون ليش انا ساكته ماتكلمت لانه كذاب ويعلمني الاربعا مكلمني يقول بالشارقه والخميس بعد وكان يسكر جوالاته من الساعه عشره بالليل
هذا اللي. موسوس بي

ماقلت له كذاب

سكت وسولف سولف وقال تصبحين على خيرررر ولارديت عليه
ونام وماجاني نوم ابد

قبل لاينام فتشت جوالهوهو بالحمام ووحده ترسل له بالواتس اب اسمها ام فلان حل لغز بغيت ادق عليها من جواله بس خفت
**وتقوله ابو عبود

سجلت الوقم بورقه ولا امداني افتش الجوال *وحطيته مكانهه

انتو عارفين ليش ماجاني نوم حسيته فعلا متغير اسلوبه بيننا حواجزكلامه وانا اللي ماتكلمت كثير
كذبه واللي قالي وسوس فيني زياده يقول بالشارع ينادون للخراب


ماتناقشنا ابداا



وصحيت الصباح صبحته بالخير وصحيته

وصليت ركعتين قبل الفجر وقعدت اسبح باصاابعه يقول سلامات*
قلت عشان ربي يكتب لناأجر مع بعض وضمني قلت ندخل الجنه مع بعض

قلتله ابي اشبع من حضنك قبل لاتروح قام يتغلى وربي ضم البطانيه*

فطرته ومشى وسلام بارد كالعاده انا اللي احضنه وهو ؟؟

هذا اللي صاااااااااار ومابيجي غير الاربعاآ
وحنا لانقاش ولا ولاشي



...............................
بالنسبه لنظاامي من اصحى الين انام بقول بكل صراااحه

اول قبل الشتا كنت اصحى بدري سبع او ثمان واجلس مع عمي وخالتي والعيال

من جا الشتا انام ما اصحى غير عشر او 11
اصحى واسوي فطوروقهوه واجلس اغلب الوقت لحااااالي وانادي خالتي تتقهوئ معي وغالبا ماتتقوئ وتفطر
كنت افطر واتقهوا معهم بس بطلت لانه كل شوي جايين عمانهم واهلهم
وعمي مو عاجبه الوضع اني اسكر الباب قالها لي محب اسكر بابي
بعدها ماعاد جلست عندهم

خالتي ماتجلس تروح وتجي عليهم اكثر وقتها قاعده معهم
وانا وولدي جالسين وولدهم المعاق مشغل الكراتين الحمدلله الذي عافانا

واطفش بس على النت وبس

لاتلفيزيون ولاشي ولافيه احد يسولف معاي

ولاتجي تاخذ ولدي توديه لهم

واغلب وقتي لحالي اذا جلست معي قامت تحش بالناس*
وتحقق معي بكل شي
عشان كذا اكرها واكره جلسه معاها اجلس لحالي ولاتجلس معاااي

واذا بكى جابته لي ودخلت ورضعته ويكون الظهر مأذن
واطلع والشغاله تجهز الغدا وكل شي

ما اطبخ لهم طبعا
لاني كنت اطبخ وكانت توقف علئ راسي وتقول وااااي مره كثير. ووووو
ولازم تسب مايعجبهااا العجب لاهي ولارجلهاااا
وتقوول اذا خلصت انتقاادتاها يعطيك العافيه

وتقعد يومين تسولف السالفه

شلت يدي من المطبخ ما اطبخ الا اذا جا زوجي

واذا جوها ضيوف تتأمر علي قدامهم مدري شتقصد
قومي وسوي وحطي و و و*

ومن تغدى ادش غرفتي وولدي*
ولا اطلع الا قبل المغرب. من ااطفش

*واطلع ونفس الشي ويتعشون بدري*
وينامون 9او قبلهاا واقعد فااضيه ولحالي طول الوقت

......................

وبصراحه ناس تقول تصرفاته دليل انه يحبك*
وناس تقول لا مايحبك
بس الاغلب الاول
وانا مو حاسه بحبه يااابنااات

توقعته يعتذر يبرر مواقفه لايكمل ويزيد كذب

لما شفت ام فلان تسولف معاه ماستغربت

خلاص تعودت اشووف هالاشياء

ليه الغرور انا بجرب الثقل بس مستغربته انه مو شايف حب مني ابد


العقد والله قلتله كم مره كيف بقووم بواجباتك وانت بعيد عني
ومن الكلام الحلو والزين والشين مانفع
ماينفع معاه*

ليه الغرور صعبه الدوام يوميا ساعتين وزيدي نصف ساعه عشان المدرسه كم تبعد

وزوجي يسرع وماينام بالليل بدري*
والطريق كله جمال ومو زين

انا مانام الا لما يوصل وارتااح


الثانيه انا بحاول اتغير واشغل نفسي باي شي
والشغاله بتروح وعلئ بال ماتجي الثانيه*
بشتغل انا علئ الاقل انشغل عنه ويحس اني مو زوجه يحس انه ظالمني مع اني ماظنيت
افكر باهله وهو مافكر باحاسيسي

*

نيوتيلا والله العظيم انه قالهاا قال ابي اشوف شكر الله يعطيك العافيه هلئ التعب
مو اتعب ولا اشوف انك شايفه شي
احسك تقولين غصب عنه ومن فوق خشمه هالاشيا قلتله لا*
يبغئ يحس انه يتعب يبغاني دايم اقوله شكرا *وانا ادري اني مقصره بهالكلمه احسه ثقيله بلساني لانه يقوم بواجباته يبي يحس انه متفضل علي

لاعاتبته ولاهاوشته يوم جا بالعككس
الا اني كنت ساكته *وهاااديه جدا

دوختكم باللي كتبته
بس ابي تتضح الصوره اكثر عشان توضحون لي اشياء مو واضحه لي*

وربي يحقق امانينا*
ويهديه ويسعدكن *ويحقق لكن ربي كل امااالكن ياارب


اسفه مره احري للاطاله

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً