بسم الله الرحمن الرحيم
عدت والعود أحمد
أخت تايهه انتم تعيشون في مجتمع قروي
ويتميز هذا المجتمع بعدة ميزات من أهمها الترابط الإجتماعي
* الباب مفتوح
* الضيافة قائمة على مدار اليوم
* أي طرف من العائلة يقدر يطب ويتغدى ويتعشى ومرحب فيه ترحيب تام
* الخلافات الزوجية يرونها مصيبة خصوصاً إن وصلت لأهل الزوجة والناس تاكل وجهه ويشوفونها نقيصه فيه
يعني لا تخرج خارج اسوار البيت عشان كذا مايبيك تروحين تتشكين لأهلك
___________
نجي للمساوئ من ناحية حياتك انت:
* زوجك جلف شوي ويحتاج وقت على بال ما تدربينه على الرومانسيه.
* عيب عندهم ياخذ زوجته ... لذلك ماياخذك للسكن في المكان اللي فيه عمله.
* عيب عنده ترجعين لبيت أهلك كل فترة وفترة ويشوفها نقيصه في حقه وفي حق رجولته
لذلك يحلف عليك انك ما تروحين.... ( مع الوقت سهل تعالجين هذه المشكلة )
___________
لمن تعرفين طبيعة زوجك وتعرفين القوانين اللي يمشي عليها سهل عليك تتعاملين معاه.
_____________
بالنسبة لزيارته الأخيرة...
زوجك جا مرعوب وخايف من أن الأمور تتصعد أكثر ويبي يجس نبضك
ولهفتك عليه خلت قلبه يقعد على كراسيه وارتاح بالإضافه أن قلبه شايل عليك شوي من تسحيبك فيه واتصالاته
يعني راح يرجع يتعيبط معك شوي لأنه يشوفك ما احترمتيه بتاتاً بالإضافه إلى أنه وقتها مو فاهم وضعك وانتي ليش زعلانه
وعليها عطيه جوه وإنه انتقم عشان قلبه يبرد بسرعه وحاول هو يتحرش فيك بقصة السفر مره أخرى والبنات والعري واللي ما يمسك نفسه يضيع و.....و....... كل هذا بس يبي يرفع ضغطك لأنه يعرفك تغارين عليه.. وفي نفس الوقت يخاف يصارخ وتكبر المشكلة ويروح وطي ... وانتي قلتيها انه كذب عليك وكملها وقاعد يعطيك قصص حلوه ويرفع ضغط
* يعني سجلي عندك إذا اتبع زوجك هذا الأسلوب اعرفي انك مزعلته في شي مو بسيط عنده
وإذا رجع وسوى شي أزعجك خلي خطك واضح في الزعل عشان تاخذين حقك
ناقشيه بأدب وذوق وفي نفس الوقت باين انك زعلانه مع التلويح فيما معناه إن الأمور ممكن تكبر
* أتمنى هذه النقطة ما تستغلينها فيما يغضب الله وأنا بريئة أمام الله ياتايهه إن كان استغليتيها في شي مو طيب
* ومو كل شي تقدرين تتبعين فيه هذا الأسلوب وخليك فطينة وذكية
* وكثرة استخدام هذا الأسلوب تفضحك ان ما عندك سالفه وبعدين تزعلين ولا ما تزعلين واحد عنده
* تجنبي المشاكل معاه وهو بعيد عنك لأنها مو في صالحك وتخليه يشيل في قلبه والرجال كتومين مو مثلنا كل ما حسينا بشي تكلمنا وفضفضنا .. هو راح يشيل ويسكت.. وما تدرين في لحظه إلا طالعه بلاوي قديمه وانت مفكره انه نسيها ورضي.
ونقطة أخيرة:
*سهل امتلاك قلبه وعقله ولكن تحتاجي لبعض الصبر وتتركي العصبيه ومشاكلكم ما تتطلع أمام القريب قبل البعيد
*صورته إياك تهزينها أمام الناس لأنه راح يرد وبعنف ويدافع عن نفسه ويحط البلى كله عليك .. مو كرهاً فيك أو مايحبك .... لأ ... بس انت ساعتها حديتيه على الطريق الصعب.. ويشوفك الباديه والبادي أظلم..
وزيدي عليها الرد اللي كتبته سابقاً
وقوي إيمانك بالله
ولا تخافين ماراح يضيعك سبحانه
التعديل الأخير تم بواسطة العـ/الفريد/ـقد ; 11-12-2011 الساعة 03:01 PM