المشاركة الأصلية كتبت بواسطة العـ/الفريد/ـقد
هههههههههههههههه
يخليك لي يااارب ويعطيك لحد مايرضيك وزيادة
وحتى لو كانت العاشرة خلي ثقتك بنفسك اقوى شي في الدنيا
صدقيني كل ما كنتي واثقة في نفسك راح توصل هالثقة لقلب رجل يستحق قلبك وحياتك وعمرك كله
وبعدين هاللي يدخلون ويتفرجون ويطلعون على بالك عندهم سالفه ولا فاهمين شي في الزواج والحياة الزوجية
يابنتي هذول ما يشوفون أبعد من أنوفهم
أنا مستغربه بصراحه حالهم هذا
ولا أسرة طيبة وبنت متربية تربية إسلامية ودينها سالم وخلقها رائع أحد يفرط فيها
وانتي بس قاعده تفكرين ان فيك شي ما عجبه
أكيد يمكن شعرك طويل ويبي وحده شعرها قصير ولا انتي رشيقه يبي وحده فوق 70 كلغم وهكذا
يابنتي هذا واحد ....... استغفر الله بس
وقاعد يدور شغلات تافهه لا أكثر والمفروض يكون حريص وارقى من كذا
والله هالأشكال لوفيهم صحوه يعرفون شلون يختارون زوجة وأم لعيالهم
لكن خليه بتجيه وحده تسنعه لأن مقاييسه تافهه ولا بد ما يوافق شن طبقة..
وفيه سبحان الله اللي تعجبه بس ما يرتاح.. يعني خيره من الله يعني لا عيب فيه ولا فيها
ابتسمي في وجه الحياة وقولي ما عاش ولا كان أحد يزعلني ولا ينزل دمعة من عيوني
والجمال يا عزيزتي نسبي
يعني أنا يمكن اشوفك اقول ما شاء الله ملكة جمال وما ناقصها شي
وغيري يقول حلوه بس مو لدرجة ملكة جمال
ويجي ثالث يقول عاديه شفيكم انتم مكبرين السالفه... وهكذا..
والجمال الحقيقي جمال الروح وهذا اللي يدوم في الحياة الزوجية وهذا هو الأصل
المهم المضمون لا الشكل
وأسأل الله بأن يرزقك بزوج صالح ولا يشوف امرأة على وجه الأرض أحلى منك
انت وكل الأخوات العازبات في جميع أرجاء المعمورة
وبالنسبة لمتابعتي للموضوع .. ما نقدر ما نتابع الحلوين..
تحية ملؤها المحبة لقلبك البريء ونفسك الصافية..
|