الله يخليك يا دكتور فادي ارجو المساعده لاني من جد محتاجتها لاني من جد تعبببببببببت .
بسم الله الرحمن الرحيم
صراحه قصتي طويله شوي بس ياريت يا دكتور فادي تفيدني لاني من جد تعبت وماني لاقيه حل .....
المهم قصتي بدأت من مدة ثلاثة ونصف تقريبا وتتلخص في اني دورتي كانت منتظمه تقريبا يعني كل شهر تجيني بس مو في نفس الموعد بس بعد كذا بدأت تغيب كم شهر وبعد كذا تجيني يعني ممكن توصل لاربعه اشهر وممكن اقل وممكن اكثر وفيه نقطه مهمه انه الشعر في الذقن زاد بشكل مو طبيعي يعني المهم قررت اني اروح للطبيبه و قالت لي انه عندي تكيس في المبايض واختلال في الهرمونات اللي هي هرمون الحليب وهرمون الذكورة اعطتني حبوب بس صراحه ما اتذكر اسمها بس كانت الحبوب مرصوصه بشكل دائري استعملتها شهر وجاتني الدوره واستعملتها شهر ثاني بس قبل ما انتهي منها سببت لي نزول دم يعني قبل موعد الدورة المهم تركت هاذي الحبوب ومن الفتره هاذي استمر الدم انه ينزل مني كل كم يوم ويوقف يوم وممكن تكون الكميه كثير وممكن تقل بس المهم كنت احس انه نزول الدم متواصل نوعا ما بس تختلف الكميات المهم بعد كم شهر فكرت اني اراجع دكتورة ثانيه رحت عندها وعملت تحاليل ثاني وقالت لي نفس الكلام وبزياده عليها فقر دم و قالت لي يمكن الحبوب هاذيك ما ناسبتك واعطتني نوع ثاني اسمه primolut Nواستعملتها لعده اشهر يعني لمده 21 يوم وبعد كذا اسيبها وتجيني الدوره وارجع ثاني استعملها المهم استمريت على هذا الموضوع كم شهر وكنت اراجع باستمرار وكل مره تقلي استخدميها الين اخر مره قالت لي خلاص فتركت الحبوب لكن للاسف رجعت نفس الحاله بس ابغى اقول شي مهم في المرتين اللي اتعالجت فيها هاذي الشعر تقريبا زي ماهو ما خف ابدا بعد كذا جلست فتره على هاذا الحال الدوره ما تجي الا فيييييين وفين فكرت اروح عند دكتور ورحت قالي نفس الكلام واعطاني علاج اللي هو حبوب منع حمل دياني وحبوب اندروكيور المهم العلاج هاذا استعملته تقريبا 5 اشهر بس في اخر شهر حدث نزول دم بطريقه مو طبيعيه يمكن يتسمى نزيف لانه الدم كان ينزل بغزاره حتى اني كنت احس بيه وكان ظهري الايام هاذيك جدا يألمني لدرجة اني فيه يومين اتذكر لمن كنت اقوم امشي شوي احس اني ما اقدر انصب ظهري المهم صراحة حسيت انه الدكاتره عاجزين من علاجي المهم الحمدالله الدم وقف وبعد كدا رحت راجعت الدكتور قلي انه هاذا شي طبيعي ومعناها انه الهرمونات اتنظمت ولازم تبطلي العلاج وتشوفي اذا الدوره انتظمت ولا لا تقريبا هاذي المراجعه كانت يوم 20\ 5\1425هـ بس الدم اللي نزل مني كان له فتره يعني يمكن بداية شهر 5 المهم قلي اذا الدوره ماجاتك الين يوم 30\6\1425هـ تعالي راجعيني المهم صراحه انا مارحت بس الحمدالله الدوره جاتني بعدها بكم يوم يعني يوم 2\7\1425هـ بس اللي قالقني هاذي اول مره انه الشعر يخف مني لانه المرتين اللي فاتت الشعر كان زي ماهو لكن للاسف من اول ما تركت الدوا رجع مره ثانيه زي اول طيب ايش الحل وصراحة انا ماعد افكر اروح لاي دكتور لاني من جد مالقيت حل واللي قالقني اني انا مخطوبه وبعد فتره رح اتزوج يعني المشكله هاذي ممكن تأثر على الانجاب ولا لا كمان صراحة الشعر هاذا احس انه يعملي احراج وطبعا مستحيل اني اعمله بالليزر لانه بيرجع عشان اختلال الهرمونات وللمعلوميه يا دكتور فادي انا دخلت الرابط اللي كنت حاطه في المنتدي بخصوص تكييس المبايض وقرأته بس والله انا خايفه لانك قلت في عمليه ومدري ايش هو
ممكن اضيف شي انا وزني تقريبا مثالي يعني حتى مع الادويه الدكتور متوقع انه تحصلي زياده في الوزن بس الحمدالله وزني تقريبا ولله الحمد ثابت بين 47 كيلو الى 50 وهو مناسب تقريبا بالنسبه لطولي بس الله يخليك يا دكتور انك تجاوبني بشكل دقيق يعني ايش الحل