مااااااااااادري ليييه احس انك ياذوق وحده اعرفها ..
ماعلينا ؟!!

بس انتي ياذوق حساسه تكبرين المواضيع بزيادة ..
يعني موضوع زواج اختك والله ضحكتيني عليه بقوووووووووة
ماظن الزواج يستاهل كل هالفرح منكم ،، يعني وحده تبكي والثانية ترقص خخخخ
و احضان ودموع وحركات !! ماعرفنا هو فرح ولا حزن

و لا تزعلي مني اتوقع انكم من الناس اللي تقدس زواج البنت ، و تمييز المتزوجة ..
ثقافة سائده شفتها عند بعض العوائل ....
والبنت غير المتزوجة تخدم المتزوجة على اساس حرام مشغوله <<< وهي خريطي ماعندها شيء ..
و هذا غلط في التربية مع احترامي ..

نرجع لمحور حدييثنا ..
اختك والله اعلم عندها مشاكل و تفرغ حرتها فيك او تغار هي منك .. صدقيني ماحد راضي للأسف ..
انتي بنوته و ممكن تتزوجي افضل من زوجها و ماعندك مشاكل بنظرها طبعا ، كلها امور تثير غيرتها ..
لا متزوجة راضيه ولا بنت راضية ..

ياذوق يبدو ان نفسيتك تعبانة ، وتتحسسي من اي كلمة وتصرف ..
وهذا شيء متعب ، انتي ماتقدري تغييري سلوك الناس و لا تجعليهم ارقى وافضل
لكن بامكانك تغيير نفسك ، و السيطرة على مشاعرك ..

هذى اختك شو نسوي الشكوى لله ، اقبليها مثل ماهي ..
و عبري لها عن اي تصرف يضايقك منها مهما كان لا تكتمي ، طبعا مو بطريقة تزيد العلاقة توتر بينكم
خذيها على قد عقلها وكوني انتي الأفضل والأعقل ..
هي جاهلة صدقيني والا ما كان صدر منها هالتصرفات ، انظري لها نظرة رحمة و بكذا ما تتحسسي منها ..
يا كثر الجاهلين حولنا لو جاريناهم بنصير مثلهم للاسف ..

توسطي بعطائك لها ، و تذكري ان لنفسك عليك حق ..
و ثقي بنفسك ثم ثقي بنفسك ، لا انتي اقل منها ولا من احد كل مافي الموضوع ان الله تعالى قدر لكل وحده منكم قدر مختلف وعليكم الرضى به و الإحتساب ..

لا تربطي سعادتك بامر معين ، اذا حرمتي منه ، حكمتي على نفسك بالتعاسة ..!
صدقيني اذا اخذ الله منا نعمة ، او اخرها عنا لحكمة يعلمها ، فنعمه الباقيه لا تحصى ..

خلاص ياذوق بلاش ذكريات حزينة ، و سامحينا على الفلسفة