الله يهديك ياتيهه...وش تبين تقولين لابوك...انا بالاول كنت اقلك روحي لاهلك وقولي لابوك وكنت منجد مقهوره من زوجك...بس بعد ماعرفت طبعه وشخصيته ,,شوفي وانا مااعرفكم ولا عشت معه فهمت شخصيته زين زين..
هو يقلك على المناظر الي شافها هناك والبنتين ومدري وش..عشان عارف انك غيوره ويبي يشوف ردة فعلك ويستمتع فيها..بس اعتقد انه يكذب مافيه لابنتين ولاشي..بس هويبي يوريك انه مرغوب..وفرحان في نفسه,,
اهم شي تبرين ذمتك وماتقصرين معه في شي..شوفي هو طلب منك تجهزين نفسك وتنومين ولدك..وطنشتي وتاخرتي مانيمتي ولدك ولانام الولد الا بعد ماانسدت نفس زوجك وراح الوقت,,المفروض تنقطيله دوا الزكام عشان ينام على طول اشتري دوا من الصيدليه واعطيه وقت ماتبينه ينام,,ولاتنتظرين زوجك يطلب منك تنيمينه انتي نيميه وجهزي نفسك من غير مايطلب هو منك,,ركزي على هالناحيه واهتمي فيها..واثقلي في كل شي في الاتصال وفي الرسايل الا في الفراش ركزي عليه واهتمي فيه
اختي زوجك طبعه كذا..,,صدقيني مايقصد شي من تصرفاته ليش تدققين في كل كلمه يقولها,,يابنت فكري بعقلك..ترى زوجك مو بهذيك النذاله..انا عارفه انتي مقهوره من السفره,,حتى انا مااحب الرجال يسافر,,والي قهرك سلامه البارد يوم جا عندك وماحضنك,,طيب هو وش يسوي في نفسه اذا هو طبعه كذا,,جامد الرومانسيه في الغرب وهو في الشرق,,مايعرف يتعامل مع المرأه وانتي الله يهديك رحتي فسرتيها انه مكتفي وعنده بنات او متزوج..انتي لو تفكرين فيها من هالباب <<باب انه هو طبيعته جامد<<صدقيني بتتغاضين عن افعاله كلها ولاعاد يهمك كيف يكون سلامه..,,وانتي انثى عاطفيه بالفطره اكيد انك انتي بتحضنينه ولاتقولين انا حضنت وهو لا..وانا متاكده انه مبسوط انك حضنتيه..
احنا البنات قابلين للتغير من ناحية الطبع لكن الرجال انسي انه يغير شي طبيعه فيه..خصوصا الجاف مستحيل تخلينه يقلب رومانسي..
وايضا,,,البيت كم له من يوم بدوا يبنوا..؟؟ لاتفكرين انه يخلص في شهر او 6 شهور..او سنه...اذا زوجك فلوسه جاهزه بيخلص البيت في سنه وعليها ..ياليت تقدرين هذا الشي,,
البيت ان شاء الله بيخلص وكل مشاكلك بتخلص معه ..وقتها زوجك بيكون جالس في بيته معك,,ومرتاح ,والحين في بيت اهله يستحي يطول في الغرفه حتى في الجماع يكون مستعجل ويبي يخلص ,,احسها صعبه يطول جالس في الغرفه والكل عينهم عليكم,,احراج,,لكن لاستقريتووا في بيتكم صدقيني بيتغير الوضع من ناحية جلوسه معك ..لانك بتكونين مرتاحه اكثر حتى طريقة لبسك تتغير وتاخذين راحتك في بيتك اكثر بس انتي الله يهداك اصبري وادعي انه الله يسهلها وتخلصون البيت ,,ونصيحه مجرد ماتخلص الاساسيات انتقلي لبيتك حتى لو من دون فرش..اما من ناحية البرود..فماأظن يتغير لانه طبيعه ويمكن وراثه عندهم لذلك اغسلي يدك..ولاتدققين فيه..لان اغلب الرجال كذا,,لاتفتكرين ان المتزوجات رجالهم مغرقينهم بالرومانسيه..انتي على الاقل زوجك تطلع له طلعات مثل احتفال بيوم زواجكم وكذا..
واخيرا..نجي لاهلك,,,طيب ليش ماتتكلمين مع زوجك وتترجينه ووضحيله قوليله انا مشتاقه لاهلي نفسي اروح اشوفهم واسلم على امي وقوليله امي تبي تشوف ولدي نفسها تشوفه,,وحاولي تنزلين لك كم دمعه..
ثانيا,,وش سالفة..ام فلان الي لقيتيها على الواتس اب...اتصلتي عليها ولاشو؟؟
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 14-12-2011 الساعة 11:49 AM