اخت نوارة ممكن اتلقف
لفتتني هالعبارة


وخواتي واخواني هم من يعاملوني كابنائهم وبناتهم ويدللوني ويخافوا علي
يلبوا كل طلباتي ويسووا كل شي عني #

بما اني عشت بوضع ممكن يكون مقارب لوضعك وهو ان اكبر اولاد اخواني بعمري


بليييز عيدي الجمله مرره ثانيه راح تكتشفي انك تكذبي على نفسك
مهما سوا الاخ او الاخت وربي مايعوضوك عن امك وابوك مهما حاولتي تقنعي نفسك ماراح تقتنعي
الاب اب والام ام ومستحيل مهما ادعوا الناس مافي احد يعوضك عنهم
ولا راح تحسي ان قيمتك عندهم مثل اولادهم

اذا تبي تتعالجي من جد لاتكابري اعترفي بالواقع<<تكلمك وتكلم نفسها

وفي شيء حابه اذكرك فيه

اول ماسجلت بالمنتدى قرأت لك جملة ماانساها لانها كانت تعبر عن حالتي او بالاصح ماانسى معنى الجملة
الي هي بما معناه ان الاشياء المحرمة عليك مسموحة لااولادهم

اانتي هنا تناقضي نفسك كيف يعاملوك زي ابنائهم؟

اذكر بدايتي بالمنتدى قرأت قصتك ومااخفيك اني تعاطفت معك بالبدايه بس

بس بعد ماقرأت موضوعك شفت تناقضات يشيب لها الرأس تلاشت الشفقه

عارفه ايش ودي اسوي من باب المساعده بس

ودي اجمع كل ردودك واسوي جدول من خانتين الجملة وعكسها بس للآىسف ماعندي وقت ولا والله لوعندي وقت كان سويته بدون مااقول لك ورسلته لك عشان اوريك حقيقة نفسك امام نفسك
عن تجربة مافي شيء يعالجك زي الاعتراف بالمشكله وتقبل حقيقة نفسك انتي كلامك يدور بحلقة مفرغه ولو عندي وقت كان فصلت لك ردي
ولو صار لي الي صار لك راح اوقف من جديد واحاول اثبت مدى قوتي مو عشانهم عشان نفسي
اذا فشلت حياتك الزوجيه او الاجتماعية او الاسريه في جانب لاتنسيه الجانب العملي يثبت لك ذاتك
صراحة اسوء شيء فيك تحاولي تبيني للكل انك انتي المضلومة وانتي الطيبه وكل شيء عن نفسك وتبدأي تعددي صفاتك ومهاراتك ترى حلو ان هم يكتشفوا الي فيك مو انتي الي تقوليها لهم
(لاتشكي للناس جرحا انت صاحبه لايألم الجرح الا من به ألم)
وتوقفي تدوري عن حب الناس لك من خلال انهم يشفقوا عليك من خلال ماسأتك الي بيحبك يحبك لشخصك ولا لايحبك
كلامي ممكن يكون خطأ بس هذي الفكرة الي كونتها عنك من خلال تفكيري المحدود وحبيت انك تعرفيها
ولو قلتي لي الفكرة الي كونتيها عني ماراح ازعل بالعكس يسعدني راح اخذ الصح واترك الغلط ماراح اتأثر فيه
بالعربي لو شفتي كلامي غلط لاتتأثري معناها انا غلطانه

اخيرا هاتي اذنك بقو ل لك سر
بمجلس الامهات بالابتدائي ماكنت ابغى ماما تجي عشان مايشوفوها صحباتي لان كل امهاتهم مدرسات واصغر من ماما خصوصا بنت اخوي كانت بنفس فصلي والبنات لما يشوفوا امها يقولوا لها امك حلوة مو زي امها
ماتتصوري كيف هذا الشيء اثر فيني الين مره من المرات بمجلس الامهات كان في مسابقه اسئلة للامهات وماما حلت 4 اسئلة وفازت عليهم رحت انا شلت الهدايا عنها واحت وريها صحباتي اقول ماما اذكى من امهاتكم كلهم وصرت اتفاخر عليهم واقول على امهاتهم اغبياء وانا متفوقه بالمدرسة كنت اقول طالعه لماما ذكية الشيء االي حافظت عليه الى الثانوي هو تفوقي كنت يالاولى يالثانية دائما وكنت الطالبة الخلوقة المثاليه صارت ماما لما تجي يكرموها احساس النقص الي حسيته عوضته من ناحية ثانية ماخليت احد ينظر لماما على انها كبيره ينظروا لها على انها ام الطالبة المثالية بكذا اتغلبت على مشكلة احساس ان ماما مختلفة عن باقي الامهات انا خليتها بنظري وبنظرهم ماما احسن من امهاتهم وهي فعلا كذا
وكل مااتذكرتها احس بمدا غبائي مع اني كنت رابع ابتدائي
مدري ايش الحكمة من قصتي بس مدري حبيت اقولها لك انتي بالذات

__________________
نُكتشف مّر الحقيقه بعد مآيفوت الإوآن ,,,