اديهم بوكس

ترى اتكلم جد ماامزح اديهم بوكس بالكلام ...
صدقيني ان سكتي وحده بكلام واضح وقوي من بعدها محد بيتجرا ويفتح لك هالموال ..

وكلامي ذا عن تجربه ..
كنت قبل طلاقي معلقه ولفتره قاربت على السنه ... وبين امي وجاراتها دوريات ..
واحيانا ااقابلهم اكثر من مرتين بالاسبوع ...
وزي ماقال والدنا الفاضل رجل الرجال كانت قصتي اشبه بالمسلسل لهم ..
وكل يوم ينتظرون احداث ويسألون عن الاحداث ..
جاك ولا ماجا .. وش صار .. وش سويتي ...طيب هو يكلمك .؟
بالاول ماعلمت بعدين هم حسو والامر كان واضح ..
ومثلك كلن ينفرد بي ويسال ويشوف ..
وبيوم كنت جالسه وحده فيهم كلمتني بشكل علني والكل يسمع
خصوصا ان صوتها عالي وكانت بعيده شوي عني ..
بالحرف قالت . هو زوجك مو جاي ياخذك ولا ايش ..؟
كل مره بتقولي بيجي بيجي ولا جا لا يكون هو مايبغاك .!؟
رديت عليها وقلت مااتوقع اني قاعده على قلبك ..
متى يجي يجي .. والحمد لله انا في بيت ابوي ..
بنفس اللحظه ردوا البقيه لها هو بيجي بس مشغول وكذا ..
بعدها بكم يوم كنت جالسه مع وحده فيهم وهي قريبه لقلبي ..
وابي اضرب عصفورين بحجر واحد ..
فقلت لها بالجمعه الاخيره الله يهدي ام فلان احرجتني
وانا مااسمح لنفسي يوم اني اقلل من احترامي لاحد ..
بس اعتقد مو حلوه كل مره نجتمع لازم انسال عنه ..
ان رحت او جد امر بيعرفون مني او من امي ..
فقالت كلامك صح ومافي داعي يزعجونك بالشئ هذا
والحمد لله انتي معززه مكرمه ببيت اهلك ..
وكمان انا صرت مااديهم ذاك المجال يعني تسال اديها جواب عام
وانصرف عنها لسوالف ثانيه وتوصل لها المعلومه اما اني مو مهتمه
او اني ماابغى احد يكلمني عن الموضوع هذا . بالنهايه راح تسكت ..

ويوم تطلقت عزمت ان اي احد منهم تكلمني عن المووضوع راح اقولها الله يستر
عليه ورجاء مااحب احد يتكلم عن الامر .. وبقولها بصوت مرتفع عشان غيرها يفهم
يعني اسمعي ياجاره دق الحجاره
ومش مستعده كثير اجامل الناس على حساب مشاعر لي مؤلمه ..
هم صح يبغون لك الخير .. لكن ديري حياتك زي ماتبغين انت ِ ..

فانت ِ الان ..
اما توجهي كلام بشكل واضح لوحده فيهم وع مسمع البقيه ..- بالاسلوب اللي تحبيه وتشوفيه مناسب ..
او تخبري وحده فيهم انك ماترغبي ابد احد يكلمك بالماضي .. وهي بتوصله
تلقائيا للبقيه ...
ولو تخبري امك .. تنقل لهم هالكلام على لسانها هي كاام .. مافيها شئ والصراحه راحه ..
الله يعوضك ويعوضني ويعوض كل مطلقه خير

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]