ترضين احد يتمنى امك تموت؟؟؟؟؟؟؟؟
تعرفين اذا ماتت ام زوجك كيف راح تكون نفسيته؟
يجيه حالة نفسية او صدمة عصبية او يجن أو يدمن (( لا قدر الله ))
حرام عليك تتمني لأحد هالامنية
زعلت منك وبأهاوشك مرة ثانية
أول شيء ما راح أحد يضربك على يدك ويقول اشتغلي
اذن اشتغلي بكيفك واتركي بكيفك
وثاني شيء اذا طلبت منك شيء قولي لها ابشري
اغسلي ياتايهه / ابشري
جيبي لنا بزورة / ابشري
لا تنقلين بيتك خلك هنا / ابشري
ولا تنفذين الا اللي تبين
لأنها اولا مرة كبيرة واحترام الكبير واااااجب
وثانيا تسكتينها بدل مايصير نقاش طويل عقيم ما تستفيدي منه وتفتكين من الأخذ والرد
وثالثا عشان زوجك ما يسمع منك الا هالكلمة فيزيد قدرك عنده
ومن ناحية استجابتك لأوامرها فتراها مو أمك يعني مو واجب طاعتها قولي ابشري وطنشي
الشيء الثالث / اذا جاء زوجك الغرفة حاولي تكونين قريبة منه وتكلمي بالهمس أو شغلي الراديو
وتكلمي براحتك وبكذا اللي يبغى يسمع ماراح يسمع
الشيء الرابع / هذي ام زوجك مو ضرتك يعني لا تقعدين لزوجك
ليه قال لأمه وما قال لي
ليه استشارها وأنا لا
ليه وليه وليه
أنا اقوللك اللي مافيه خير لأمه ماففيه خير للناس
وزوجك ماستقل لا ماديا ولا عاطفيا عن اهله لذلك باقي زي اللي توه متزوج
يحس انه لازم يحسس امه ان الزواج ماغيره
وانك يا امي المرأة الأولى والأهم في حياتي
وهذا ابسط حقوقها فلا تنازعينها على حقوقها ولا تعتبرينها ند لك
هي ام وانتي زوجة
الام مافي غيرها والزوجة يجي بدالها زوجااااات
الشيء الخامس / لا تحزني على نفسك لما تغتابك احزني عليها
لأنها خسرت حسناتها وكسبت سيئات وقولي ما ابغى اكون سبب تعصي الله عشاني
وانتي راح تلاقين في ميزانك حسنات ما عملتيها وراح تروح عنك سيئات كثير
الشيء الساااادس / لما تبغى تحرك وتحرق قلبك وتعبي راسك وتسوي لك مشاكل
وانتي تحققين مطالبها وتوصلينها لمساعيها راح تمنحينها السرور والسعادة والغبطة وتنام مرتاحة
طيب ليش ماتكونين ذكيــــــــــــــــــــــــــــــــــــــة؟؟؟
وتقلبين عليها الطاولة
وتكذبين في داخلك افتراءاتها
وتبردين اعصابك وتشيلي كلامها من راسك ولا تحطين له اقل اعتبار
واذا جاء زوجك تصيرين احلى من العرايس وتبخرين الغرفة وتظهرين لها وللكل فرحتك بزوجك
وتمدحينه وتبينين ثقتك فيه وانك ماليه يدك منه وانه من يوم عرفتيه حسيتي انك صايرة ملكة ووو
بحيث تصير هي اللي تنقهر بدل ماتقهرك
هذا عن امه بقية ((الهوشه)) اللي عن زوجك بعدين برجع ان شاء الله واهاوشك
