...طيب ليش الحلول مستحيله ؟؟
انا اتوقع مجرد ماتنقلين لبيتك بتنحل مشاكلك...هو صحيح قريب منهم...بس اذا قفلتي بابك ورحتي في حالك وهم في حالهم وعودتيهم على نظامك ووقت معين تزورينهم فيه وقفلتي اذنك عن كلام امه صدقيني في الاخير بترتاحين وهم بيسكتون...
ولاتنسين دوام الحال من المحال,,,الحين ماعندها غيرك انتي وزوجك قدام عيونها..بكره تتغير الاوضاع والاجواء عندها يتزوج ولدها والي بعده وبتنشغل فيهم وبتنساك..
بالنسبه لخروج زوجك بدون علمك.اتمنى انك ماتدققين فيها كثير ..هذي ماهي مشكله طالما هو يخرج من المجلس طبيعي انك ماراح تعرفين انه خرج..وغير كذا الزوج من حقه يخرج ويرجع ومو ملزم يخبر زوجته,,كلنا عارفين انه الزوجه هي الي تستأذن من زوجها للخروج...اما ان الزوج يستأذن لا,,بس انتي اذا حاسه انك متضايقه من هالشي كلميه باسلوب حلو قوليله ياليت تخبرني دايما قبل لاتخرج عشان يمكن ابي شي من برا تجيبه لي وانت راجع,,
خلي تفكيرك ايجابي دائما..ولاتدققين في اشياء تافهه مثل سالفة العطرالنسائي..ليش راح تفكيرك لبعيد؟؟يعني وش الي جا افي بالك؟؟حتى البنات اذا بيهدون ماراح يهدون عطر نسائي صح ولا لا؟واضح انه العطر هو اشتراه لنفسه..
..يعني مستغربه انه رجال يستخدم عطر نسائي..لاتستغربين فيه رجال كذا..
وزوجك استمري معه على طريقة تعامل حسيتي انها جابت نتيجه حلوه ..هي يومين في الاسبوع حاولي ماتخلينها مشحونه بالمشاكل ...خليك ساكته واذا بتسولفين معه سولفي بس لاتخلين سواليفك كلها اسئله وتحقيق الله يرضى عليك.. ولاتجيبين طاري امه عنده بالشر ولاتتذمرين منها امامه ابدا..والحمل اقنعيه بطريقتك وفهميه انه الوقت ابدا مو مناسب تنجبين طفل ثاني,,وامه اذا قالتلك احملي بس قوليلها ابشري وانشاء الله بترك المانع و لاتناقشينها ابدا,,لان لو ناقشتيها وقلتي ماابي احمل الحين,,, بتروح هي تزن على ولدها وتقنعه يمنعك من الحبوب.. ويجيك هو ويتكلم بكلامها ويحلف عليك ماتاخذين مانع,
انتي كل الي تحتاجينه الان ..الصبر ثم الصبر,
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها