الهمه الهمه الهمه يانصر والموعد القمه هي عادتك لاتخليها يهمك الفوووز وتهمممه
يانصررراوي يانصررررراوي
اصفر وازرق ياحبيله خضمه عجز مالقى حيله .. يقول انا توب ماجيله
النصر في كل شي قمه
هذي طبعاً كانت المشجعات النيوزلندييات يشجعون النصر وهيك << ياكبرها
كنت اتكلم مع واحد تشيلي اسمه روبو في المعهد عن الكوره وهيك والمباريات
المهم قالي طيب ليش ماتلعب معنا .. قت له وين قالي في ملاعب كوره وكل ويك اند نلعب
قلت له والله ياصديقي مهيب شينه
قالي وش رايك تجيب فريق وتلعبون معنا
قلت اوكي مافيه مشاكل
طبعاً كلمت السعوديين الي اعرفهم واليبانيين والكوررين والايرانيين والخ راعين الكوره واتفقنا على الويك اند
ونفس الشي لي روبو فريقه يتكون من امريكا اللاتينيه برازيلين وتشيليين وارجنتينيين والخ
يعني منتخب امريكا الاتينيه ومنتخب اسيا
طبعاً الي ماكنت حاسب حسابه ان المباراه يصير فيها بنات
طبعاً كنت اتمرن انا وفريقي من يومين قبل المباراه وتجهزنا تجهيز كامل
والي نشوف لياقته لك عليها يصير احتياط والي مايعرف يلعب نحاول نخليه حارس
المهم قربت المباراه والي فاجأني ان فيه وحده بلجيكيه لزمت تلعب معنا ..؟؟
قلت لها بتتعورين قالت جربني وشووف .. قلت اوكي
جربتها الا والله البنت تلعب ظهير ايمن فلته .. لايشق لها غبار
ويوم سألتها قالت انا اصلن العب في منتخب الجماعه عندها في بلجيكا
قلت كويس معانا موزز يعني الربع بيشدون حيلهم
جت المباراه ولبسنا اصفر طقم واحد على اساس يعني النصر
الا يوم شفنا الفريق اللاتيني يلعن بليسهم اجساااااااااااااااااااااااااااااام
طبعاً ابو منيف هو المدرب يعني افلحنا
المهم الي لاحضته في فريقهم انهم محترفين مهوب حي الله .. ومعهم بنتين برازيليات
بس وش يلعبون وش يفتوون ياحبيبي سووو حركات وقف شعرر مخي
المهم بدت المباراة وكنت مسوي تكتيك نقدر فيه نجابهم
صرنا متكتلين بنص وماشاء الله عليهم اللاتينين لياقتهم لياقه عاليه مرره بس الي لقت انتباهي فيهم انهم انانيين شوي
فاقلت مابدهاش لازم نستغل هشي .. طبعاً كانو ضاغطينا في من بداية الشوط
فاكان فريقي زعلانين من تكتيكي لاني الكبتن وهكا
طبعاً تقدرون تقولون تسحبنا لين قلنا بس .. بس كل هذا له نتجيه
وقبل نهاية الشوط الاول بس 5 دقايق جابو قوول فينا من خطأ دفاعي تمريرات خطأ وجابو قول
الشاهد اننا قدمنا مباراه الشوط الاول حلووو مره انا من ناحيتي ماهمني يجيبون قول
كثر ماهمني انهم يتعبون ويستنزفون طاقتهم كلها
انتهى الشوط الاول
وجلست مع الفريق قلت لهم ادري انكم منقهرين انكم ماهاجمتم بس شوفو فريقهم كيف شكله
متسدحين وتعبانين والحين فرصتنا نضغطهم ولين جبنا الهدف حق التعادل ندافع ونلعب على المرتدات
طبعاً البنت البلجيكيه لياقتها عاليه مررره وخليتها خلف المهاجمين وثبت الياباني صانع لعب
و 2 مهاجمين كوريين قدام وانا صرت محور وباقي الفريق وراي
ابتدى الشوط الثاني
ولازلنا نفس مراكز ماهاجمنا ولا شي هاجمونا هاجمونا لين شفتهم تعبووو مررررره لدرجه انهم صار يتناولون من التعب
تقدمت انا وفريقي عليهم ونضمنا هجمات عاديه لين ماجاك الكوري وجاب الهدف بررراس
من ضربه ركنيه .. طبعاً الفريق حقنا انبسطو مرره وارتفعت معنوياتهم
قلت لهم ارجعو .. لان الفريق الثاني انقهرو مرره ويبون يهاجمون
علمتهم الخطه حقت الهجمات المرتده وذكرتهم بكلامي عشان ماينسووون
هاجمو الاتينيين وهاجمو وضغطونا وضغطووونا وضغطوونا
###
بس عدت على خير .. تقدم الفريق الاتيني مرره وصار دفاعه مكشوفه لعبت الكوره للبلجيكيه
وانطلق وانطلقت وانطلقت وررررررررررررررررررررررراحت قدام
الا الكوريين الاثنين متمركزيين قداااااااااااااااااااااااام
وقوووووووووووووووووووووووووووووووووووووووووول اسيوي
النتيجه 2-1 لنا .. تنفسنا الصعداء
للامانه فريقنا كان مكمل لبعضه دفاعنا جبار
وامي من ايران .. تركي من الكويت هذا الدفاع
الظهير .. احمد من السعوديه
.. الظهير الثاني من اليابان
انا محوور .. من كوكب السماجه
والباقين تعرفونهم
انتهت المباراه بفوزنا ولله لحمد
طبعاً فوزنا ماجاء من فراغ .. الا عشان ابو منيف هو المدرب ولا احنا اصلن من جنبها
طبعاً جوو الفريق الثاني وسلمو علينا وتشكور منا على تلبية الدعوه
وقالو لازم نلعب مره ثانيه
قلت لهم والله معليش مرتبطين مع فريق ثاني << نصاب
ناظرني روبو قال لا كيذا مايصلح لازن نرد الهزيمه ولا الفريق حقي بيزعلون
قلت خلاص ولايهمك انت عطنا ملفك وبنتصل عليك
ااخذت ارقام فريقي وايملاتهم وللعلم انها ول مره نلعب مع بعض وصرنا متفاهمين
واتفقنا ننا نتدرب كل ويك اند
البارت الجاي رحله الى روتوروا والقريه الماوريه
وراح يتخللها فديو وصور وشي يخقق .. بارت ناااااااري مولع نااار