وريحت في الكوفي

اتصلت على اوب منيف وقلت له وينكم فيه

قالي احنا بي الحديقه يله تعال تراك تأخرت

قلت ادري بس وش اسوي غصب عني

المهم رحت للحديقه ولقيييييت ناااااااااس كثيرر مره تقريباً بدون مبالغه 20 شخص او 25 شخص

سلمت وهيك وجلست وجالس ابو منيف يعرفني على الضيوف

وطبعاً كلهم طلاب من نفس مدرسة ابو منيف


واكثرهم سويسريين ولاتينيين وشوي يابانيين



طبعاً كل واحد جاب اكله وحطووه بنفس الحافضه يعني حافضه للدجاج وحافضه لي اللحم

الى الان والوضع مرتب

الا فجأه طلعو البكين لحم الخنزير ويبون يشووونه انا قلت لا ياحبيبي الخنزير مايصلح ينحط مع الدجاج الزيت حقه ومدري وشو يتطعم مع الشوي

بدت هنا المشكله وصار يقولي السويسري لا احنا بنشوي الاكل حقنا ... قلت له بكيفك تشوي بس لايقرب للاكل حقنا

المهم اني بغيت اتهاوش معها

ابو منيف يقولي ترانزيت وش بلاك على الرجال ؟؟

قلت انت مهبول ذا بيكن يعني خنزير ناظرني وقال لا والله
قلت ايه وش بلاك قالت ياصديقي انا بلعت منه وانا مدري هههههههههههههههههههههههههههه

قلت من جدك انت

قال والله كنه لحم حاشي هههههههههههههههههههههههههههههههههههههههههههههههههه هههههههه
هههههههههههههههههههههههههههههههههه

استغفر الله العضيم


المهم اتفقت انا وهسويسري السامج الى ان يخلي نص الشبك للزفت حقهم والنص الاثني للدجاج حقنا

هنا استقرت الامور وكلن استاسع صدره


وبعد ماتعشينا وكيذا كانت الساعه تشير الى 8 ونصف ليلاً
وبدأت انوار الحديق بي الاشتعال شيئاًَ فاشيئاً .. المهم الانوار كان خافته نوعاً ما


وبدت سوالف النص كم انا سبق وذكرت اان ابو منيف معجب في احدى الموزز

ولا تشوفون شكله وهو يتميلح
هعهههههههههههههههههههههههههههههههههههههههههههههههه ههههههههههه

ياتسبديه

المهم قالي تعال ابي اسولف معها وانت ساعدني
قلت له طيب

ابو منيف داعس مع البنت وانا ممنسدح على المسطحات الخضراء

حسيت ان البنت متقبله ابو منيف كثير واشوف بينهم حماس

ابو منيف ونفس هل البنت كلهم في مستوى واحد في اللغه

الزبده ان الكل غرزو وصار يتعتون

قلت وش السالفه قالي ياخي مدري فجاه ماعرفت وش اقول ههههههههههههههههههههههه

قلت لبو منيف تعال بس

خلنا نقعد مع الشباب انت والله بتوهقنا شكلك بديت تخورها امش امش

جلسنا معهم

وصرنا مسوي دائره وبيننا قاروره وصار كل واحد فيهم يمسك القاروره ويفررها والي تجي عليه القاروره
يسألونه ويجاوب او يطلب منه شي

وهذي كانت شروط اللعبه




بدت اللعبه

وفرررو القاروره وجت على واحد لاتيني من كوبا

وخذ لك يا اسئله

سويسري يقوله ليش انت وجهك صغير ههههههههههههههههههههههههههههههههههههههههههه

والثاني يقوله انت ليش ساكت وماتتكلم واسأله غبيه

واليابنيين سئلوه قالو وش اخر ماتوصلتم اليه في العلم في بلدكم

الكوبي بحل بعمره قال اشياء كثيره بس اخرة شي هو الاستعمار الامريكي



فعلاً يعني كوبا مسيطره عليها امريكا سيطره تامه ومانعه عنها كل شي حتى ذاك جيفارا المناضل من كوبا

فقط للمعلوميه .


والمهم سبحان الله وياخذون هل القاروررروه ويفرونها من جديد
وتجي على واحد ياباني

واسأله
طبعاً كل العالم سألوه انت وش طموحك ومدري وشو والخ والخ
فا الي فهمته انه جاي لي نيوز لندا عشان اللغه ويرجع يكمل مشروع التخرج حق الجامعه

سألته سؤال في الصميم على قولتهم
قلت له تحب امريكا قالي ايه نحب امريكا ولكنني اعشقها

استغربت من جوابه ؟؟

قلت لها كيف تحبهها وهل نسيت هيروشيما


قالي نحن لسنا حقودين ولاكن لن ننسى مافعلوه بنا

بصراحه انا يعني عيت تدخل بمخي حكاية اني احبهم ومانسى الي سووه فينا
مدري ليش لبرهه حسيتها يكذب علي


المهم ماعلينا

مر الوقت بدون اي احراج
وفي العبه القبل الاخيره جت القاروره على بنت اسبانيه
وهذا الي كنت ابيه من زمان (( فيني حرررش )) = معنى هذه الكلمه ااني اريد ان اتشاجر معها في الكلام
هذا للتوضيح للذين لايفهمو مصطلحاتي


ملاحضه تراني من حمايل الرياض
ولا لي دخل لا بلقصيم ولا بل قرى