اختي تايهه...انا عارفه انك تكتبين من القهر,,,وام زوجك لو ماهي فعلا مضايقتك ماكان جيتي تشكين منها وتكتبين..خصوصا انك حساسه زياده عن اللزوم وماتنسين وكل كلمه تقولها ولا يقولها ابو زوجك توقفين عندها وتدققين واحيانا تفسرينها بشي هم اصلا مايقصدونه..,
,انتي لازم تغيرين الطبع هذا ولاتفسرين الكلام والافعال على كيفك خصوصا مع زوجك..لاحظي حتى كلام زوجك وافعاله على طول يجي في بالك شي بعيييد وسلبي مثل اللعبه الي لعبتيها معه في الجوال وطنشك مارد وعلى طول زعلتي وفسرتيها انه مايحبك...
اختي انتي ماتكده انه زوجك يخونك...؟؟طيب متى اخر مره كشفتيه وشفتيه بام عينك يسولف مع البنات؟؟ على بداية الزواج ولا الان يخون,,
ماتحسين انك انتي سبب خيانته لك؟؟
انا شخصيا اكره الزوج الي يخون زوجته,,ولايمكن اوقف في صفه,,ودايما ضده,,,لكن زوجك هذا هذي المره انا في صفه عارفه ليش؟؟ لاني متاكده انه يحبك من خلال سردك للمواقف الي تصير بينكم حتى لو فكر يسولف مع بنت انا متاكده انه يتسلى لااكثر,,هو يحبك بس انتي مو فاهمه وش يبي..الرجل يبي امرأه فاهمته زين فاهمه وش يحب وش يكره,,وانا الاحظ انك دايما تسوين الي يكرهه وزعوووله مره وعصبيه وتسوين من الحبه قبه..واكثر شي انك مبينه له تذمرك من امه واهله هذا الشي الي يكرهه فيك اكيد بس هو ساكت وبالعها..
انا عندي اقتراح بسيط ونتيجته فعاله وحلوه..ايش رأايك تعطينه ورقه وتطلبين منه يكتب فيها الاشياء والتصرفات الي مضايقته فيك في نقاط..طبعا مع وعده انك راح تحطين كل نقطه عين الاعتبار وتغيرينها,وتاكدين عليه انك جاده ولازم يكتب كل شي بصراحه ووضحي له انه في شي غلط بينكم وتبين تصلحينه ولازم يساعدك ويكتب كل شي بخاطره,طبعا اعطيه الورقه وهو مسافر ويرجعلك الاجابات يوم الاربعاء ...هذي احسن طريقه توصلين فيها لعقله وتعرفين هو وش يفكر فيه,,بدل مانجلس نخمن ونتوقع ونقول يمكن يبي ويمكن يبي,,
واخيرا..استوقفني كلامك,,وانتي تقولين انا مو ملزمه باهله وانا بشيل المطبخ وبس ومالي شغل بالباقي ,
طيب انا اقترح عليك انه بعد ماتروح الشغاله...تكرفين في البيت من قلبك صدقيني مافيها شي دام انتي جالسه عندهم.ودام انها فتره قصيره وتجي الشغاله الثانيه.لان صعبه وحده كبيره تكرف في البيت وانتي جالسه.معليش اضغطي على نفسك و حفشي عن اكمامك واثبتي لهم انك بنت اصول..ووين ماراحوا مايلقون مثلك وشوفي كيف بتكبرين بعيون زوجك قبل اهله واتركي لهم اثر طيب عنك ويتذكرونك فيه بعد ماتروحين لبيتك هذول اهل ولدك بعد....هذي وجهة نظري فكري فيها بعقلك زين مازين وانتي حره,,
وبالنسبه لامه,,,خليها تتكلم وتراقب لين بكره انتي عارفه طبع العجايز,,خلاص ليش تحطين راسك براسها؟ادري انه الاعمار بيد الله بس هي كبيره في سنها ان كانت فوق الخمسين خلاص مابقى شي عليها وحتى ان عاشت مية سنه بيروح عقلها وبتخرف وماراح تضل على حالها,,
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 20-12-2011 الساعة 05:06 PM