:*
أختي لاتخلي تفكيرك سطحي لها الدرجة
الشوفة الشرعية لم يكن الغرض منها النظر للشكل فقط
الغرض منها القبول بين الطرفين والإرتياح النفسي
ممكن أنتِ تفكيرك أتزوج والسلام
الرجال ياغالية مايبغى يكون متزوج وبس
يبغى يستقر نفسياً ويلاقي وحدة يشعر بالقبول لها
أسمحي لي :إذا تفكيرك بها الشكل راح تتدمرين نهائي
يا أختي ياما بنات عاديات ومافيهم زين وربي سبحانه
سخر لهم ودخلوا قلوب رجال وعمروا فيها والسبب القبول
وبعدين تكررين كلمة (شينه) و(إلي مدحوني يكذبون )
أنتِ منتظره حد يجلس يطبطب عليكِ ويقولك ترى الناس
ماعندهم نظر وإلي أعتذروا بعد الشوفه ماعندهم ذووق..؟!!
ياعمري أقنعي نفسك أنه نصيب وماحصل وربي ماكتبه
ماله علاقة بشكلك ولاينتقص من جمالك ولا ثقتك بذاتك
ربي ماقدره وخلاص
فيه بنات يرفضون شباب مافيهم عيوب بس لأنها ماوجدت له
بداخلها قبول
هل بيجلس يبكي ويقول أنا شييييين وأنتم يالي مدحتوني تكذبون..؟!!
الشوفة ماهي لعرض المحاسن الشوفه للقبول من جميع النواحي والقلب
هو الفيصل
ولاتنسي القلوب جنود مجنده ما تعارف منها أئتلف وماتنافر منها أختلف
:*
أبعدي عن أسلوب رثاء الذات لأنه راح يدمرك
ويجعلك مخلوقة ضعيفة ومهزوزة
وقولي يارب لك الحمد والعافية خلقتني فأحسنت خلقتي وكرمتني
مو طول اليوم أنا شينه أنتم تكذبون علي
أنا أشين بنت بالسعودية
وش يقولون إلي عندهم أبتلائات وعندهم إعاقات ..؟!!
وش يقولون إلي متعرضات لحرائق وإلي عندهم نقص برجل وإلا يد
ياشيخة كونك تسيرين على قدمين ومتعافيه هذه نعمة
هذا منتهى الجمال والكمال بحد ذاته
الله يهديك
:*
__________________
" اللهم اجعل لي فرجا ومخرجا , ودبرني فإني لا أحسن التدبير "
*
شوك أحبكِ في الله
فكوني قوية وابتسمي لتبتسم الدنيا
التعديل الأخير تم بواسطة سيدة الموقف ; 22-12-2011 الساعة 11:27 AM