المشاركة الأصلية كتبت بواسطة مبحاث

لا ما تتفرجون !
أنا بصراحة ألوم البنات في هذي الأمور ، مرت علي قصص كثيرة كذا ، والسبب سكوت البنت ..
وأسباب تافهة كثيرة يلغون الأهل بسببها الخطوبة والبنت قاعدة تتفرج !

في وحدة في آخر الثلاثينات وما سبق لها الزواج ، قبل سنتين خطبها رجل الكل يتمناه ، وكان مندفع مرة ومتحمس ، ووافقوا عليه وعقدوا وكل أمورهم زينة ، بس واحد من أخوانها سفرياته كثيرة بسبب العمل وقال مستحيل تتزوج بدون ما أحضر فقال نؤجل الزواج إلين نشوف ، والبنت تبيه ومتحمسة بس ساكتة ، الرجال بعد فترة قال خلاص لازم نعجل بالموضوع _ ومن حقه _ لأنهم أخروه ، يوم حددوا وتكلف الرجال وجهز كل شيء وبقى على الزواج أسبوع قال أخوها عندي سفر ونؤجله مرة رابعة ! الرجال رفض ، قال له أخوها بكل بساطة الله يستر عليك !
والبنت ساكتة ولا قالت شيء ، قال أكيد ما تبيني وتركها !

وأخوها هذا محد وقف في طريقه يوم تزوج ، لا وناوي يتزوج ثانية ..
وأخته المسكينة الحين جالسة ..


آسف على التطفل ، بس جايني حماس هاليومين أكتب ، وبصراحة شيء يقهر أنكم تضيعون مستقبلكم بسبب الحياء !