اختي، عزيزتي، زميلتي.. اختاري المسمى اللي يريحك
لن اخوض بمقولات كيف تحبي على زوجك وكيف حبيبك يسمح لنفسه انه يحب واحدة مخطوبة او متزوجة.. وان كنت اعتبرها خطيئة كبرى.. خلينا نفكر شوي بمنطق ونتنبأ شو ممكن يصير بالمستقبل،
اولا: حبيبك ما قدر على بعدك والمسكين راح يشرب ووقف تحت شباكك-لا تواخذيني- يتخيل شو بيصير في الغرفة اللي فوق في ليلة دخلتك. -هادي مو بسيطة ولن يغفرها اي رجل-
ثانيا: المسكين الولهان المتقطع من الحب والغرام، لما تم وضعه في حالة صعبة شو عمل؟؟؟ انا بقول لك شو عمل ،راح يشرب وانتي بتقولي انه هو اصلا ما بيشرب، يعني هرب من الواقع اللي هو فيه وراح يذهب بعقله. ما بده يفكر بمشاكله. طيب قلنا الوضع صعب عليه.. تخيلي انك تزوجتيه وواجه مشكلة صعبة، من وجهة نظرك شو راح يساوي ساعتها؟؟؟ انا بقول لك اكيد هو راح يفكر يشرب عشان يهرب من مشكلته-او يفكر بالشرب والهروب من مواجهة مشكلته.. مهو اللي يهرب مرة من المشاكل سهل عليه انه يهرب تاني.
ثالثا: برايك انه اللي لما يواجه مشكلة ويهرب للخمر (احدى الكبائر) يا حماعة شرب الخمر من الكبائر .. يعني المغفرة لهذا الجرم بيد الخالق وحده؟؟ شوفو قديش كبيرة.. ومع ذلك حبيبك استمرأ هذه الكبيرة.. هل سهل عليه او صعب انه يستمرئ اي شيء اخر؟؟ الاجابة متروكة لك.
رابعا: الحب احساس وطاقة ينمو ويخبو.. وحبيبك فرغ طاقة حبه بعقاب نفسه.. شرب وسهر ليالي ويمكن توبيخ بالعمل... طيب .. هل سينسى هذه الامور فيما بعد؟
خامسا: هل تعتقدين انه اي رجل في الدنيا سهل عليه انه يتخيل (زوجته او حبيبته) كانت بين يدين رجل اخر... سياتي يوم بعد الزواج وانتم في ارقى لحظات النشوة والسعادة والانبساط ويسالك كنتي تعملي هذا مع زوجك السابق.. بالفصيح.. كان يلحس..كان كذا وكذا وكذا.. الكلام متروك لمخيلتك.
سادسا: الحياة مش وردية.. فيها ابيض وفيها اسود وفيها رمادي... وفيها اللحظات الحلوة واللحظات المرة.. وهيك برضه الحياة الزوجية.. الاعضاء المتزوجين واللي متزوجين منهم عن حب فيهم يحكوا ويشاركوا ويؤكدوا هذه المعلومة.. بتتوقعي انه ما راح ييجي يوم يعايرك فيه بزواجك السابق ويقول لك يعني لو حبيتي واحد تاني راح تسيبيني وتجري وراه؟؟ زي ما عملتي بزوجك السابق (اللي هو الحالي)..
سابعا: يمكن تقولي حبنا ارقى من الكلام الفارغ والفرضيات اللي انت بتفترضها.. اقول لك .. ربنا اعطانا عقل وقال لنا.. وهديناه النجدين اما شاكرا واما كفورا... وقال ومن يتق الله يجعل له مخرجا..
ثامنا: اقرئي تجارب ناس بمثل حالتك عشان تقدري تشوفي وين هية الاحتمالات الاكثر حصولا...
وفي النهاية..
انت طلبتي النصح .. وهذا ما انصحك فيه...اعطيتك رؤيا يمكن متشائمة بس واقعية .. والقرار لك انتي مو لحد تاني..
والله الموفق