اقتباس:
المشاركة الأصلية كتبت بواسطة Crestalla
استغرب صراحه
الاجنبيات ما يعرفو لا حلبه ولا قرفهولا قشر قهوه ولا تبخير ولا تحاميل ولا يحزنون في فترة النفاس
ورغم ذلك ما سمعنا منهم انه توسعو ولا ازواجهم اتضايقو !!
هو بس العرب اللي يصيبهم هذا الشيء بعد الولاده ؟
شيء غريب
اظن هذي ثقافه احنا اللي جبناها وابتدعناها الين الرجل صار متبنيها ومصدقها معانا ...
نعم للاكل الصحي والاهتمام بالنفس ولا للخرابيط اللي تدمر الكليه والكبد والرحم..
|
الله يسامحك ياكرستالا ويش هالكلام جلود الغربيات مو مثل جلودنا حنا العربيات جلودنا مطاااااااطي ههههههههههههههه
علشان كذا لازم ندهنها ونبخرها ونسحبها ونكويها وش عاد باقي
ونخيطها تصدقين والله إن كانت عندي جارة سودانية ولما ولدت
جتني زيارة وقالت لي سويتي خياطه بعد الولادة قلت لها إيه
سويت خياطة بالمستشفى قالت لي لا هاذي خياطة غير لما بعد
الولادة ترجعك بكرية وحدة من جماعتنا تسويها للحريم الوالدات
قلت لها لا لا الله يسلمك ويجزاك خير مانبغى لا شك ولا تطريز
كفاية ماشفناه في خياطة المستشفى عا د ارجع اعذب نفسي
مرة ثانية لالا خليني مثل ما انا قالت طيب اجيب لك اعشاب من
عند الحرمة تفيدك وتساعدك قلت لها ابد الله يسلمك مالي بالسوالف هاذي
والحمدالله من فضل الله جايبة 5 عيال ولاعمري أستخدمت شئ
غير التمارين الرياضية والتمر والحليب والعسل الأصلي هاذي كلها
حلوة للمرأة الوالدة
ولي صديقات يستخدمن العفص بس أنا ماجربته ولا عمري راح
أجربة باقي أنا أبغى نفسي وكل شئ إلا علاج الأعشاب مو زين
ولا آمن وإللي مو مصدق عن أضرار الأعشاب والخلطات يسأل عنها
الدكتور جابر القحطاني خبير الأعشاب وهو يفيده بهاذا الخصوص
بالنسبة لكلام بيتا هو الصح جبت كل عيالي في بيتي ولا اهلي ولا اهله يشوفون الطفل حتى يبدأبالمشي
لأن بمنطقة بعيدة عن أهالينا ولاكن نرسل لهم صور المولود في الرسائل
وأنا ما أرتاح إلا في بيتي صح هما لو رحت لهم ماراح يقصروا معي بس
زوجي لمين أخليه لحاله أخاف يتعقد نفسيا لو تركته
ويمكن أرجع البيت ألاقي معاي شريكة لا لا نروح لأهالينا سوى ونرجع سوى رجلي على رجله
ماله مفر مني ابد
بعدين كيف راح يحس بتعبي ومرضي وانا بعيدة عنه لازم يشوف كل شئ مباشر علشان يحس ويعرف كم انا تعبت وعانيت بسببه هو وإبنه ويقدر ظروفي ويوقف معي ويساعدني هاذا كله علشان طفله هو أهلي وش دخلهم يتحملون إزعاجي أنا والمولود
بعض الأطفال يتعبوا وهما رضع ويحتاجو ا للمستشفى في آخر اليل من مسؤل عنه يروح فيه ويجيبه غير أبوه يمكن الزوجة تتعب وتحصل لها مضاعفات لا قدر الله من يوديها للمستشفى وترى بعض الأهالي مايهتمون بالحرمة وعيالها مثل زوجها بالذات إذا هية مطيحة عندهم 24 ساعة بيملون ويطفشون من رجة عيالها
وإللي عندها اطفال بالذات إذا كانوا كبار ومزعجين بيت أبوهم أحسن لهم تجلس في بيتها افضل لها .
ناني انت مثل البدر مايكتمل بالشهر الا ليلة وحدة فينك ياشيخه اشتقنا لك
بالنسبه للحلبة قد فقعت بطن زوجي من يوم ماقالوا له إنها حلوة لإرتفاع السكر في الدم
وهو طايح فيها يغلي ويشرب وياكل وغاثني بريحتها وأنتي لاحقتني بالحلبة حتى في المنتدى ماكفاية علينا ابو الشباب في البيت
المهم موضوعك حلو ولطيف بس لا حد ياكل حلبة ترى الواحد يعرق بس وتفوح ريحة بف باف مع العرق والله ماحرمة عاد يقربها زوجها من ريحة الحلبة انتبهوا يابنات يامتزوجات .