اقتباس:
المشاركة الأصلية كتبت بواسطة العـ/الفريد/ـقد
زوجي اجتماعي + لديه أعمال كثيرة + الناس تلزق فيه كذا محبه من الله
ومع ذلك مسيطره تماماً على الوضع وهذه الفترة كل مااتجول في البيت ألاقيه وراي يمشي
لأني أعرف اهتماماته وأشاركه فيها وأتعلمها وأتقنها بكل مهارة وآخرت الإهتمامات صرت مهندسة عنده وأخططله وأصمم له تصاميم لعمرانه وأعدلها له بعد ما يعرضها ع المهندس مع اني في البدايات بس شي يكسر الظهر خصوصي لما أنفذها ع البرنامج بس فرحته وهو رايح للمهندس ويقوله ابي مثل هذا بالضبط عندي بالدنيا كلها
ومن أجل عين تكرم مدينه
وهو يقدر تعبي عشانه ويعوضني
+
آخذ حقي في جلسته معي من وقت ما عرفني
+
أحببه في هالجلسه واسويله اللي يعجبه ولازم مودي يكون تمام التمام
وعلى فكرة لما أنشغل عنه لو حتى بأشغاله اللي يجيبها لي والله ما أشوف إلا غباره
وتوه جابلي جهاز ما سبق لي تعاملت معه ومن أول الليل وأنا حايسه فيه لين ضبطت وضعه على جهازه
وتدرين وش سوى >>>> سحب علي وراح ناااااام
وقعدت سهرانه وألحين أخاف أنام وأصلي الفجر متأخر وماسكه نفسي
يعني باختصار لازم تكونين ركيزة أساسية في حياته
لازم تبذلين وتعطين وتدفعينه للأمام
لازم يحس انه ما يتنفس هوا مثل البشر ... لااااا يتنفسك انت
وقت ما تزعلين ولا تتغيرين عليه
يترك الدنيا عشان يرضيك ويتغير وجهه ولونه وتختبص أموره لأنه يعرف ان ما رضيتي توازنه في الحياة راح يختل وماراح يقدر يتقدم للأمام أكثر
والله يعينك الصراخ والزعل والتشره وخلافه ماراح يجيب نتيجة
بالإحترام تجيبينه بس عاد يبيلك وقت بما انه يخرج بهالشكل
لكن وش يقعد هو وأصحابه يسوون
كل هالوقت سواليف؟
ولا قعده على التلفزيون؟
ولا يلعبون play station أو xbox أو من هالشغلات اللي طالعه؟
ولا لعب إعتيادي ورق وشطرنج وكيرم ؟
ولا وش يسوي معهم؟؟
وكم لك سنة متزوجة؟؟
وعندك عيال؟؟
واصحابه يشتركون معاه في ايش بالضبط .. عمل، دراسة...؟؟؟ وش اللي جمعهم في البداية وعرفهم على بعض؟؟
آه بس
الزواج هذا يبيله وحده طويلة بااااال وقلبها وسيع وما تستعجل النتائج
الله يعين الحريم
|
شكرا العقد الفريد مره تعليقك اعجبني
وردا على اسالتك لي سنتين متزوجه ولدي بنت
وانا بغربه واجتمع مع اصحابه بحكم مكان الدراسه وهو يجتمعون على بلاي ستيشن ومباراة بالتي في و لعب ورق على كلامه
وانا وياه نجتمع برضو في دراسة اللغه
مشكلتي معاه انه يحب الخروج من المنزل كثير بحكم اجتماعيته يحب يسولف مع اصحابه كثيرا
ايام الاجازة الاسبوعيه يسهر معهم طويلا الى الفجر ودائم اقترح عليه مشاهدة فلم سويا والسهر سويا ولكن دون جدوى مثلا نخرج لمدة ساعتين لمطعم او سوق ثم نعود ويخرج لهم الى الفجر وذلك مايورقني حاولت ان احببه بالمنزل ولكن دون جدوى فما اقتراحاتك لي