إذا كانت هذه أخلاق أصدقاءك فهم ليسوا بطيبين, وأخلاقهم سيئة, ولا تهمهم أعراض الناس,
أعلم أخي أنه من الصعب عليك أن تغير نفسك بين يوم وليلة, لكن حاول أن لا تستسلم,
حتى لو غلبتك نفسك بعض المرات لا تخليها تغلبك كل مرة, وكل ما غلطت توب واستغفر,
أنا عايشت آلام كثيرة, وأنا أحس باللي تحس فيه, لكن إنت الحين ما تقدر على الزواج لازم يكون عندك وظيفة ومقدرة على الزواج, خلك واقعي, كيف بتتزوج وتأسس بيت, وإنت للحين ما اشتغلت ولا كونت نفسك, من وين بتصرف على بنت الناس,
لازم تفكر بجدية أكثر وأنا أخوك,
ومن ناحية الملتزمين شوف لك ملتزمين شبابية دمهم خفيف, راعين تنكيت وحفال, بس بحدود الدين, مع الأيام بتحبهم وتتعود عليهم.... دور,و بتلقى إن شاء الله..
ويمكن يكونون هم سبب في مساعدتك على تكوين نفسك, وعلى الزواج
كل إنسان خطاء وأنا أخوك, لكن خير الخطائين التوابون,,, وإذا أذنبت على طول قول:
" أستغفر الله العظيم الذي لا إله إلا هو الحي القيوم وأتوب إليه",
إهتم الحين كيف تكون نفسك وتشتغل, وتثبت وجودك, واتحصل لك كم فلس, وإن شاء الله تتيسر الأمور, ولا تضيع وقتك بالتفكير والتحسر,
وإن شاء الله الزوجة لاحق عليها,
" الله يزوجك ويزوجنا, زوجات صالحات طيبات عفيفات,"
"والصبر مفتاح الفرج"