فعلا اخي .. الحمدلله ربي ستر علي عشان اهلي
ولا انا ماستاهل
تربيت ع الطاعه واهلي ملتزمين وانا المفروض اني ملتزمه مثلهم !
لكن سبحان الله .. رفقة السوء والنفس الاماره بالسوء

انا عمري 21 وعرفته من انا عمري 15
بس قبلها كنت ادخل الشات قبل بسنه يعني من يوم انا 14 وكنت اكلمه واكلم غيره بالمواقع

بخصوص سؤال رجوعي له
بصراحه لان هو حسسني بشيء ثاني .. عالم ثاني من الاهتمام والحب -اذا نقدر نسميه حب-
كان يحسسني اني كل شي عنده وكلامه كله حلو حب
وهالشي اللي افقده لما ابتعد عنه
بس بصراحه اكثر .. ما بكذب ولا بنكر لاني من جد احتاج نصحك ومشورتك
في البدايه كنت اعترض لما يكلمني بأمور الجنس والحب والكلام هذا
بس شوي شوي بديت احس بشعور ثاني بس كنت اعترض وماعمري وضحت له اني راضيه ع الشي هذا او متقبلته بس كنت اسمع له اوقات وهو يتكلم بالامور هذي ويطالبني بأمور انا ماكنت اسويها له
لكن .. انا بنت وبعمر مراهقه وكبرت يعني تأثرت صرت ماعرف شلون .. اتوقع انت فهمتني
يمكن صح رجوعي له بسبب هالشي .. يمكن بديت احس بالشي هذا ..
المهم انه احساس صرت احتاجه .. احتاج هالاحساس .. مدري مدري
احسن توضيح هو السؤال اللي انت طرحته .. الله يستر علي

بالنسبه لموضوع اني اخاف من دعواته
ابد كل اللي سويته قلته لكم ..
مكالمات وماسنجر .. ماعمري ارسلت له صوره او قابلته او سمحت له يقابلني
بس انا عطيته كل شي حبي واهتمامي
ومثل ماذكرت قبل .. اكثر من مره لما يزعل مني على سبب صورة او مقابله اقوله خلاص برسل لك واوعده بس ارجع بكلامي بنفس الوقت وما ارسل له شي
ولما يقول لي خلاص مابي اكلمك نظل فتره طويله وبعدها انا اللي ارجع له كل مره واترجاه يرجع لي
بس يرجع كل شي مثل قبل وتتكرر المساله
انا خايفه من دعواته لاني يمكن ظلمته لما ارجع له كل مره
يعطيني احساس اني قاعده العب عليه خصوصا اني مو متقبله الشي اللي يطلبه وادري ان الشي هذا حرااااااااااااام وانا قاعده اسويه !! مع اني حبيته
خايفه من دعواته بعد لانه يقول اني بكل مره انبش جروحه لانه يحبني وانا ما احقق له اللي يبيه واخليه يتألم مره ثانيه
مدري اخوي .. انا احس اني ضايعه
اتوقع فهمت انا وش ابي اقول

انا قلت كل اللي انت سالت عنه
واذا عندك استفسار او اي شي تفضل
بس يهمني اطلع من الوضع هذا
انتظر ردك وجوابك بفااااارغ الصبر

الف شكر لك اخوي وجعله في ميزان حسنااااتك
بالانتظار