اهلا اخي ابو مريم .. الله يجعله بميزان حسناتك

اي اخوي انا ادرس بالجامعه
وهو كان يرسل لي صور خاصه له بس مو صور مثيره ولا فيها شي
بس صور عاديه له وما ارسل لي افلام مثيره او شي

سبب رجوعي له اني افقده وافقد اهتمامه فيني وكلام الحب اللي كان يقوله لي
وحاجه بنقص في العواطف ما كان يمليها الا هو
تدري اخوي .. انا اوقات اقرر ان خلاص ما ارجع له واظل فتره طويله بعيده وما افكر بس الصديقات اللي معاي بالدراسه لما تتكلم كل وحده عن حبيبها او صديقها او خطيبها او غيره وغيره .. يتحرك عندي شعور اني فاقده شي وارجع افكر واقول ابي ارجع له خصوصا ان كلامهم كله عن هالمواضيع وكيف يحبها ووش يسوي لها وغيره ودايم يقولون لي لو انتي تجربين الحب راح تعرفين .. مع اني اتجنب اسمعه كلامهم بالمواضيع هذي واحاول ابتعد واخبرهم برفضي الاستماع للامور هذي لانها حرام اولا وماتخصني ثانيا بس هم على طول يتكلمون - مدري اخوي يمكن بعد هذا يأثر في الموضوع وحبيت اذكره لك

معقووله اخوي انا كنت امارس العاده السريه ؟؟؟؟؟؟؟
انا هذا اللي كنت خايفه منه وللحين اخاف منه !!!!!!
انا اخوي ماعندي مفهموم كامل ومدري اذا الشي اللي سويته مجرد ردة فعلا ولا هو ممارسة للعاده
يعني لما هو يكلمني بالامور هذي ساعات احس بإثاره وساعات ابدا ما احس بشي لاني اكون مستحضره ان الشي اللي اسمعه حرام
بس لما اكون حاسه بإثاره ما اسوي شي معاه بس مجرد اكتفي بالسماع
الا مره او مرتين طلب مني اسوي وبديت بس ما استمريت ولا ضريت نفسي

حتى لما اكمل المكالمه احاول قدر استطاعتي اشيل من بالي الكلام اللي سمعته هذا اذا حسيت بإثاره اثناء الكلام معاه
بس لما كنا نترك بعض فتره وكنت استرجع كلام الحب وكل كلامه اوقات احس بنفس الشعور

اعذرني اخوي على صراحتي وكلامي بس لاني ماعرف اذا اللي سويته يعتبر عاده او لا
آآآآآآآآه لو طلعت عاده .. يعني طلعت قليلة ادب وانسانه قذره
كل هذا سوووويته
استغفر الله العظيم استغفر الله العظيم
والله كنت احس وادري ان اللي اسويه غلط بس اوقات يكون التفكير غصب عني
من جد حسيت الحين اني اقذر انسانه شلون عصيت ربي وضيعت نفسي وضيعت حياتي خلاص ماعاد عندي شرف

شي ثاني اخوي
احس من بعد سالفتي هذي صرت بعيده عن ربي
صحيح اصلي واصوم والحمدلله لكن احس اني مقصره كثير بحق ربي
لاني مستحيه منه وادري ان الشي اللي اسويه جريمه
احس اني محجوبه عن الطاعات عقابا لي على اللي اسويه
حتى الطاعات اللي اسويها احس اني ما اتلذذ فيها كأن في حاجز بيني وبينها
ابي ارجع لربي واحس براحة مدري كيف

اخوي ابو مريم .. يعجز لساني عن شكرك على وقوفك معي
وبإذن الله ماراح يضيع جهدك

بالانتظار