دعائكم لي بظهر الغيب اخواتي واخواني وعائلتي الثانيه
ولادتي قربت واملي في فاطر السماء والارض كبير
انه يرضي خاطري ويكون طفلي سليم طيب معافى يارب
ومايصدق كلام الاطباء
والحمدلله على ابتلاء الله راضيه بقضاء خالقي ومولاي
لكن قلبي قلب ام ماتبي تشوف اي احد من احبابها يعاني
والا يتألم
ادعولي بارك الله فيكم ان ربي يسهل عمليتي واشوف حبيبتي بين يدي سليمه طيبه
كامله الخلقه من غير زياده ولا نقصان واشوفها تمشي قدامي يارب يارب يارب امين امين امين
والله هالشي ياربي لك الحمد قربني من الله اكثر
حتى اقول لزوجي ان هالبيبي بار من هو في بطني قربنا لله اكثر
واختبرنا صبرنا والحمدلله ان الله ثبتنا نسأله الثبات في كل الاحوال
من عرفت الخبر ياربي لك الحمد وانا اشكر حبيبي على عطيته وعلى ابتلائه
حتى اذا شفت ملابس البيبي وانفجرت بالبكاء احمد الله
وعندي امل كبير وحاطه نصب عيني(انا عند ظن عبدي بي)يارب ارزقنا حسن الظن
ادعولي والله ماصرت اعرف وش اكتب احس الحروف تتلخبط لاجيت بكتب وتضيع مني الكلمات
بس ابي منكم تدعولي كل ماتذكرتوني ولاتنسوني
ويارب اقوم بسلامه ووابشركم يارب

واسأل الله للجميع التوفيق والسداد وان لايريكم مكروه في انفسكم ولا باحبابكم
انه مجيب سميع الدعاء
اختكم
قصائد