الله يكون بعونك .. عندي أخت صغيرة عمرها 21 سنة (الله يخليها لنا) وتخيلتها مكانك أقسم بالله أني حسيت
بضيق بصدري ..مو مصدق لأي درجة ممكن تكون النساء في مجتمعنا يعانون من جلد الذات وقلة الثقة (بدون تعميم)

بعد 6 سنوات سيكمل زوجك المستقبلي سن الستين وأنتي عمرك لم يقترب حتى للثلاثين!!

إذا الله رزقك بأولاد بأول سنة زواج ..ولدك البكر راح يكون عمره 15 وأبوه 70 سنة
يعني عيالك يادوبهم يوصلوا 25 سنة راح يكون أبوهم بسن جدهم (إذا الله كتب له الحياة حتى الثمانين)

أحتمال بنسبة 90% أن أبنائك وبناتك ماراح يحضر أبوهم زواجهم (والأعمار بيد الله)

لا تستعجلي يا أختي بقرارك ..وصدقيني لو تاخذي لك واحد شباب من عمرك وحتى لو مو مكون نفسه مافيها
شيء حلاوة الدنيا لما تكافحوا فيها مع بعض بكل محبة كل واحد يشيل الثاني وكل واحد يشكي همه للثاني

وبالنسبة للمال فما في شيء بهذه الدنيا باقي يعني أحتمال تاخذيه لأنه مكون نفسه وعنده فلوس
وبعد سنة يخسر ماله.. وذاك الوقت أيش بيبقى لك من هذه الزواجة؟؟؟؟؟؟؟؟

وفي نقطة مهمة:
أنا ما أشيل بذمتي على الشخص إلي تقدملك بس إحساسي يقول إنه شخص يفكر بنفسه ويبي يستمتع
ببنت صغيره بدون ما يخاف عليها ويفكر بمستقبها ويدري أن موافقتك تحت ظروف خاصة (إنك مطلقة)..

ولو صدق عاقل ويحبك وما يبي يظلمك ما كان تقدم لك لأن هذه النوعية من الرجال ما يفكر إلا بشيء
واحد ولو يجيني واحد من جماعتنا وبيسوي نفس سواته ويبي رأيي والله راح أقولها بوجهه وبالفم المليان
(حرام عليك تدفن بنت الناس معاك.. ماتخاف ربك؟؟؟؟؟؟؟)


المستشار مؤتمن ولهذا السبب تحملي ردي وفكري فيه وأنا ما رديت عليك إلا لأني حطيتك بمكان أختي.. الله يوفقك