المشاركة الأصلية كتبت بواسطة بنت الحكمي

ياهلا ومسهلا بدلوعتنا وحياك الله يا أخية وين الناس ماعاد صرتي تنشافي
لك وحشة فقدناك وأفتقدنا طلتك ياشيخة وسلامتك وماتشوفي شر وأجر وعافية إن شاء الله

وكيف صحتك الحين إن شاء الله أحسن يارب

بالنسبة لصاحب زوجك هاذا الله يعينك وينصرك عليه يارب ويجعل كيده في نحره

وزوجك هاذا ماتاب للحين من صحبة هالأشكال

طيب إذا قدرتي تاخذي موقف من من هاذي الزيارة وتنصحي زوجك بعدم قبولك باستقبال صاحبه في بيتك


يكون افضل واحسن شوفي المرأة تجامل في أي شئ مع زوجها لاكن الشئ اللي يخرب عليك زوجك وينكد عليك حياتك

هنا لاتسمحين بهاذا الشئ يصير وحاولي قدر المستطاع إنك تبعدين زوجك عن هاذا الفاسق

دائما الصديق السيئ يجلب معاه ذكريات الماضي ويحنن قلب صديقه لخرابيط الماضي ويحيها في نفسه حتى لو أبتدت تموت او تتلاشى من ذاكرته

أنتي خليك قوية وفي مثل هالأمور لا تجاملين زوجك فيها وضحي لزوجك عدم رغبتك بزيارة صديقه له

بعذر إن اخلاقه سيئه وماتبغينه يدخل بيتك وخذي موقف حازم وقوي لاتكونين ضعيفة وماتقدري تتخذي قرار في مثل هالأمور

والمفروض إنك قد أشترطي على زوجك عدم دخول صديقه لبييتك من زمان من يوم المشاكل السابقة

لأن كل ماقلت إتصالاته وزيارته لزوجك كل ماقل شره وبلاويه عنكم

معليش يادلوعة أنا لو مكانك بعد الألم والجراح إللي صارت لي بسبب هاذا الصديق
والله ما أخليه يدخل بيتي ولا يطبه والأكل جعله بسم الهاري والله مايذوقه
ولو صار وجاء للبيت غصب عني أخليه هو يقوم بواجب ضيافته يطبخ وينفخ هو بكيفه ضيفه صديقه وهو حر يسوي له إللي يبغاه

حتى مرة ثانية ينحرج وماعاد يستقبله في البيت ويكون له درس ماينساه
أنتي بس أتخذي موقف وبقوة وارفضي زيارة صديقه لبيتك وإذا شفتيه عاند واستقبله لاتعطينه حتى كوب موية حتى يحس إن ماله قبول في بيتكم ويستحي على دمه وماعاد يجيكم زيارة بالذات إذا كانت هاذي أول زيارة يزور زوجك بعد هاذيك المشاكل إذا تم إستقباله بشكل غير مرغوب فيه رايح يحس ويبطل زيارات هاذا إذا كان عنده دم ويستحي على نفسه .