مساء الخير يا بنات

يا رب يكون الكل بخير


غموضة ان شاء الله يكون شفيعك فى الجنة بأذن الله
و انا شايفة انك تستنى على الاقل شهرين جسمك بس ياخد نفسه انه كان فى بيبى
و ربنا يكتبلك اللى فيه الخير


سلومة الحمد لله اننا اتطمنا عليكى و اذا انتى حاسة بالحركة يبقى اتطمنى
الحركة دى صمام الامان و الراحة النفسية ليكى
انا فاكرة لما كنت حامل فى كريم كان نفسى يبقى عندى جهاز سونار فى البيت و طول ما انا قاعد اعمل سونار اتطمن انه بخير
بس من اول ما ابتدى الحركة كنت على طول متطمنة بالرغم من انك المفروض تخلى بالك من حاجة انه فى اوقات كتير بينام و تتلحسى انتى برا هو مبيتحركش ليه بس هو حبيبى بيكون نايم بس الدكتور من اول السابع تقريبا على ما انا فاكرة حيقولك تتابعى الحركة ازاى
و ربنا يتملك على خير و يفرحك بالبيبى


هالة حمد لله على سلامتك
انا كريم و كرمة كانوا عيانيين تااااااانى و حساسية فى رجليهم بس كل واحد بشكل و كريم فيروس فى عينه و فى الاخر مش حوديه الحضانة لحد ما الصيف يجي تانى و نعدى الفترة الوحشة دى
بس هم الحمد لله احسن ما عدا الحساسية لسة واخدة وقتها


ابتسامة القمر
كان نفسى افيدك فى موضوع الرضاعة دا
بس مع الاسف عندى خبرة فى اللبن الصناعى و الببرونات لكن الطبيعى دا انا فيه بطيخ خالص
ربنا يكرمك و يتتمى رضاعته طبيعى ان شاء الله


ماريا
بصى انا مش فاهمة دكتورتك دى بتعالجك على اى اساس؟!!!!!
بس انا حاسة انها بتعك
بصى يا سيتى
اللى اعرفه ان المنشط بيتاخد من اول او تانى يوم للدورة و لمدة 5 ايام و بعدين بتروحى تتابعى التبويض و دا بيكون من بداية اليوم العاشر تقريبا يوم اه و يوم لأ و لما يلاقى حجم البويضة كويسة يديلك ابرة تفجيرية و يحصل ...... بعدها بيوم و ربنا يكرمك ان شاء الله
انا مش متطمنة لدكتورتك بس نصيحة عاااااامة اى دكتور بيعالجك لاى مرض اساليه عن فلسفته العلاجية عشان تبقى فاهمة هو بيعمل كدة ليه
بس اللى انتى كتبتيه دا انا اول مرة اسمعه بصراحة



باقى البنات بحبكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة