يعطيكِ العافية على طرح الموضوع

حصلت لي قصة مع إحدى الخادمات وأنا صغيرة بس أهلي علموني القصة لأني ما أذكرها طلاقاً
كنت يمكن عمري سنة أو سنتين المهم كان عند أهلي خادمة والظاهر عقلها مو ذاك الزود من أول ما جات نسأل الله العافية والسلامة يمكن فيها شوية جنون بس الله يسامح المكتب اللي وهقنا فيها

أعتقد وصلت لها رسالة من بلدها إن زوجكِ تزوج عليكِ ( هذا من غباء أهلها )هذا إذا كانوا صادقين
( من بعدها صرنا نفتح رسايلهم مو كل مرة سلامة )
أنا مو ذاكرة السالفة بالضبط أتأكد بعدين أكتب التصحيح

قاموا أهلي يهدونها بس هي جنت جنون رسمي وجاها تشنج عند باب البيت وراحت أخذت سكين ومسكتني وحطتها على رقبتي وتصيح على حظها مع زوجها الظاهر ترسل له رواتبها وغدر فيها

الظاهر قربت جنبها وعورني قلبي أشوفها تصيح وطلع علي أكثر من بيع السوق هذا لا قالوا براءة أطفال

وتقول للوالد الحين أروح مطار سيرلنكا سيرلنكا شكلها بترتكب فيه جريمة ) وفقدت أعصابها المهم الوضع تأزم أصلاً هي عقلها مو صاحي من الأساس يمكن مريضة نفسياً وزاد الطين بلة هالرسالة

طيب أنا وش علاقتي

طبعاً كل العايلة اجتمعت كبيرهم وصغيرهم

قام الوالد يسايسها بالكلام خلاص بنوديكِ
يقول الوالد مع الكلام لانت وشكلها صدقت سحبني منها لأنه يقول لو أحاول أقرب يمكن تخلص عليكِ وقال قومي روح مطار ( من بعد حركتها ما تقعد دقيقة واحدة )
وراحت معها عمتي بالسيارة لأن أمي خافت منها يقولون كأنها خشبة من بعد ما تشنجت يركبونها السيارة وهي تنفض كأن ماسكتها كهرباء ويقولون عسى نوصل سالمين
أهلي ما صدقوا بروحتها إلا لما أقلعت طيارتها:14:

من بعدها لو طلعوا أهلي وحنا صغار حتى لو مشوار قريب يودونا بيت جدي لين كبرنا صاروا الشغالات يخوفون

يللا تحمدوا لي بالسلامة وإلا كان صرت ضحية وطلعت بالتلفزيون