شكراً على تشريفكِ لموضوعي

أنا ما اشتريت لهم بس من زمان كان عندهم جيم بوي بس تكبروا عليه صارت موضته قديمة على قولهم
أبوهم من فترة اشترى لها آيباد بس شكله مو من الأصلي يعني يمشي الحال وجابته لي ( يعني ترى بابا اشترى لي )
بس كان يبغى له برامج ووداه محل ومن عقبها زهدته وما عادت تجيبه أقول لها وين الآيباد تقول في البيت يعني كان عندها رغبة تملك مثل اللي حولها ولما حصلت عليه ما صار يستهويها

بس مرة شافه ولد قريبتي أكبر منها شوي وقال لها جهازكِ مو أصلي سوتها سالفة وزعلت قالت بابا جايب لي أصلي
راحت لأمه تقول ليه يضحك عليّ قالت لها لأنه ما عنده مثله ومنقهر منكِ ما عنده حتى التقليد
قلت لها يا ماما أصلي وإلا تقليد وش يعني ؟؟؟؟؟

أنا ما أعجبني إنه اشترى لها بس ما بيدي حيلة
وأختها اشترى لها شبيه للآيباد يعني سايرها هو كأنه لعبة بس يوم يومين وأشوفه ممشخ وقاطته يعني بطر وفشخرة
أنا بناتي يتقوون بأبوهم لو قلت ما في هالشئ قالوا عادي بابا يشتري لنا
أبوهم يحبهم بس ما تعجبني موافقته لأي شئ
صحيح يتابعهم بس ليه من صغرهم ما يحسون بقيمة الريال