شكراً لتشريفكِ موضوعي

أنا أقصد رقمين يعني شريحتين

أنا ما منعت بنتي لأجل الوضع المادي الحمد لله وضعي طيب بس ما أبغى كل ما طلع جهاز جديد البيت عندي ينقلب مظاهرات
ليه فلانة أحسن مني ؟؟؟
جوالي يفشل فلانة أحلى مني !!!!!

مرة بنتي الصغيرة شافت عند بنت من قرايبنا جوال والله إن بنتهم صغيرة المهم انقلب البيت عندي مظاهرات وأزعجت أبوها حتى اشترى لها واحد عادي بس كلها كم يوم وأخذه منها صارت تضيعه

ومن حركاتها المضحكة تحطه صامت وندور عليه وندق ما نسمع صوته تقول ماما حطيته صامت قلت لها ما شاء الله من كثر الاتصالات تحطينه صامت
( الأخت تقلدنا وقت الصلاة نضبطه على الصامت )
ولقيناه بعد كم يوم بس خلاص أخذه أبوها منها كل شوي مضيعته والآن ناسية الجوال ما تسأل عنه ( فترة بعدين نسته )

اللي حولهم أصغر منهم وعندهم أحلى وأغلى جوال والله حرام تروح البراءة في التنافس على جماد
يقولون ليه عند فلانة ومو عندي
ما اختلفنا
بس بالأول نفهمهم إن مو كل شئ يعجبنا يناسبنا

في مرة أسولف مع الصغيرة أقول لها يمكن أطلع آي فون
قالت الله ماما بتطلع آي فون :14: يعني مين قدي
وقالت أعطيني جوالكِ اللي عندكِ قلت لها طبعاً لا يمكن أحتاجه

في هذا العمر جوال الكاميرا ممكن الطفل يصور فيه وأنا ما أدري ومن يد ليد تكون صورتي انتشرت ولو افترضنا حسن النية وحرصي على الجوال وش يضمن لي ما يضيع أو ينسرق

ومن بعدها أندب حظي

والكلام موجه لعموم النساء ( لا تتصورون بجوالاتكم )

أنا لو طلعت أعطيهم لا قدر الله ضياع أو خلافه من باب الاحتياط بس نرجع يكون على الطاولة ومتفقين على كذا

بعض الدلال من أولياء الأمور يحطم شخصية الطفل وما يصير طفل عصامي يجي الشئ من عرق جبينه في المستقبل بعد توفيق الله

أنا أعاني من هذا الشئ لو ما اشتريت لهم أبوهم يشتري يعني كلامي يروح في الهواء