السلام عليكم

انا راح اقول تجربتي مع ابني من سنتين تقريبا حينما بلغ
طبعا سأذكر التجربة والحمدلله هي عدت لكن لعل في ذكري توجيه او نصح او اي شي يهم الوالدين خصوصا لمن كانت او كان في مثل وضعي
انا ربيت هالولد لوحدي وعندي اهل وكل شيء الحمدلله لكني مسؤولة عنه في كل شيء وينام معي بغرفة واحده حتى بعد بلوغه بأشهر اضطريت اني اطلعه لغرفة ثانية
قربه لي جعله صريح مني وانا لا اخفيكم اني صريحة معه لحد معين في امور الجنس وامزح معه ونعلق احيانا على اشكال الحريم ولا عندي حرج كثير بهالشيء
(انا ما اقول انا صح ولا غلط لكن بعطيكم فكرة عشان اوصل لكم الصورة )
المهم انه في ليلة من الليالي دخل علي وقال ( ماما انا نزل مني كذا وكذا ) !!!!!!!
قلت ايش.!!!

قال مدري زي ( البول ) وانتم بكرامه لكن يختلف عنه وطلع مني بالحمام غصب عني
(انا اسفه اني اتكلم بالتفاصيل هذي واذا حبيتو احذفوها)
صراحة انا انفجعت وماتوقعت توصل فيه لهالدرجة او انه غشيم لهالدرجة وبسرعة قلت ماشاءالله ياوليدي واخيرا صررت رجااااال .. قال وشلون قلت الحين هذا البلوغ وخلاص الآن انت اصبحت مكلف مثلك مثل الرجال وبديت ابين له اني انبسطت وفرحت فيه وانا والله العظيم ابلع ريقي من الفجعة وقال طيب اكيد هذا بلوغ
قلت ايه مادرستوه؟
قال الا لكن الله يعين . قلت وشفيك قال بيطلع لي شنب هالاسبوع وانا بروح للطايف >>مت ضحك
على باله علامات البلوغ بتطلع بين يوم وليله
المهم جيت قلت له اسأل فلان من عيال عمه وكنت وقتها اسولف مع صديقة لي وقلت لها كذا وحذرتني الله يجزاها خير من انه يسأل احد عن اي شي جنسي وخليه يتكتم جداا
جيت ناديته قلت ترى تو قريت ان اللي يسأل احد يعتبر خواف ولا يعرف وانت خلاص رجال وكذا وكذا ومشت الامور
تخيلو يقول اسألي خالتي طيب كذا صار لعيالها ..!! اوم الاحراج
قلت لا مايحتاج واضحة

مختصر الكلام هذا كله ..
( الآب الي يضطر يعيش مع بنت وألام الي مثلي ومعها ولد كيف نتعامل معهم مع اختلاف الجنس .!!!)
يعني انا كنت دايما اوجه ولدي انتبه لنفسك بالمدرسة لا احد يتعرض لك وخلك قوي وترى فيه اولاد شريرين وما تربو وكنت اقول لا تخلي احد يلمسك وكلام كثير وحتى هو يقول ان فيه عيال مسكوهم ويقول لي قصص
ومره قال لي سالفة جت الشرطة ومسكت رجال مسك طالب
انا وضعي صعب لكن كنت ابغى اتجاوز هالازمات
ولدي الحمدلله شخصيته كويسه واجتماعي الى حد معين لكن خجول شوي وماعنده ثقه كبيرة في نفسه
يحس احيانا ان الدنيا سودا واحيان يقول انا اول ماخلص ثانوي بروح بعثه ..