يا اختي مو معناته انك مبتلاه بشيء
ان الله ما يحبك
لا ان الله اذا احب عبدا ابتلاه
الحياه كذا ما فيه احد مرتاح وان ارتاح فتره فماراح تدوم
الشيطان يحاول يوسوس للبشر ويغويهم ويبعدهم عن الطريق الصح ووقت الحساب يتخلى عن الكل
لو تمعنتي بالايات ومعانيها ما كان فكرتي كذا
احنا نعبد ربي عشان هذا دينا واحنا ملك له وهو اللي يقسم السعاده والشقا والحزن والفرح بينا
نعبده عشان الجنه ماهو عشان اغراض دنيويه
لو كان كذا فمعناته نصلي ونعبد الله حق العباده بوقت الشده واذا افرجها الله علينا نرجع لما كنا فيه
هل هذا هو الصح !!!!!
وبالعكس كل ما اشتد البلاء المفروض نقرب لله اكثر ونتمسك بالدين اكثر وتكتشفين قد ايش الدنيا تافهه
يا اختي الله يسعدك لا تخلين الشيطان يلعب عليك ويزين لك المعصيه واول ما تجيك هالافكار تعوذي من ابليس وصلي لك ركعتين تري فيه اشياء تنقال توقع صاحبها بالشرك


لا تتمسكين بدنيا فانيه وتتركين العمل للاخره
الحياه احنا فيها مجرد زوار وبنتركها لكن الاخره هي اللي راح نخلد فيها اما في جنه واما في نار

اللهم أني أسألك الجنه وأعوذ بك من النار

الله يهديك ويثبتك على دينه وارجعي زي ما كنتي طريقك كان صح
لكن هالمره كوني غير ارجعي وثقتك بالله اكبر ومهما طال الفرج لا تيأسين فالله ارحم من الام بولدها

حطي ببالك ان الجنه حفت بالمكاره
والنار حفت بالشهوات


ومو بس انتي المبتلاه غيرك كثيييير
مهما عظم بلائك حطي ببالك ان فيه اللي اشد مما ابتليتي به
وعبارتك
ان طعت اون عصيت الحال واحد
ياشيخه عندي اخسر الدنيا وانصدم من الكل وافقد كل شي اهم شي الاخره لان الدنيا تاركتها تاركتها وما ابدل راحه مؤقته على الراحه الابديه

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..