السلام عليكم ورحمة الله وبركاته

أنا أشعر بضيقة من فترة مو عارفة سببها تجي فجأة بدون مقدمات ويمكن تروح بدون مقدمات بكيت شوي مو عارفة وش أبغى من الحياة ؟؟؟

الحمد لله حريصة على الصلاة وأتقرب لربي وحاسة إن الفرج قريب بس حاسة إني شايلة فوق ظهري جبال ما انحطت على أحد من البشرية
أنا ما ينقصني شئ بفضل الله أموري طيبة بس تعبت مو عارفة ليه حزينة ؟؟؟

لما أفضفض لأمي ما أستفيد إلا إني ضيقت صدرها معي
ومستحيل أتكلم مع الوالد في بعض الأمور
وأخواني وأخواتي بيني وبينهم فرق أجيال لا فاهميني ولا أنا فاهمتهم
يعني كأنهم عيالي

تخيلوا أختي وبنتي بينهم فرق بسيط في العمر كأنهم أخوات وبعض الناس يفكرون أختي بنت من بناتي

وبنتي أحياناً أفضفض لها بس في أمور عادية أحس إنها كبرت قبل عمرها بس أحياناً ما أحس بخصوصية أخاف تنقل سوالفي لأبوها لأنها قريبة له كثير
شهادات عيالي بكرة ومو حاسة بفرحة أستغفر الله

كل اللي أبغاه تدعون لي بالفرج وتيسير الأمور لعل فيكم من هو مستجاب الدعوة ولو أقسم على الله لأبره ودعاء المسلم لأخيه في ظهر الغيب مستجاب وهناك ملك موكل يقول ولك بالمثل