تقصد أني مريضة او بي نقص ..
اكثر ما يقودني للجنون والإحباط ان ما احد يصدقني و يستوعب
كلامي ..
لانه رجل الكل بصفه وانه مظلوم ..

خلاص بما أني بي نقص و عوض هو نفسه
فما اعترض عليه و له حق ..
و لي حق أيضاً ان أقرر مصيري مثله و ابحث عن راحتي ..

المستشار كان اسري من نصح أصدقاؤه اللي مسوين فيها اهل دين واتباع سنه
و النفسي من نفس المركز علي اساس يخليني أتقبل الامر ..
و لان الوالد هو من بدا في عرضي علي طبيب قبل زوجي
لأني كنت بوضع سي من تصرفه ..
و لولا وجود الوالد معي ما كان فكر زوجي بكل هذا
فرد فعله الاول كان يقول للوالد لا تقف بصفها وهي بترجع ..

و مين قال انه بياخذ بنت عمه عشان يكفل لها أولادها او عشان ارمله
كذاب هو فكر بنفسه و متعته بالأول و بتشجيع من امه ..

كل رجل يخطئ له عذر مو غريبة أبدا أبدا عندنا ..

و رضا الله ما يجي بالأضرار بالنفس و تحميلها فوق طاقتها

له حق و لي حق و من العدل كل واحد ياخذ حقه ..

ما طلبته يحرم نفسه و يصبر علي نقصي المزعوم ،، و لا ان يطلق بنت عمه
و لا طلبته امر يعجز عنه ..
و لا طلبته يحرم نفسه حقوقه الشرعية اللي ما عرفوا من الدين غيرها ..

كل اللي طلبته تسريح بإحسان ..
و اعتقد انه من حقي ان لا اجبر نفسي علي حياة لا أريدها
او ان اعاشر شخص كرهته و يلحقني ضرر كبير معه ..
ما ني عبده و لا مملوكه تعيش مجبورة ..

و ما راح ارتاح و اهدأ الى ما أخذ حريتي كامله
و يصير تجربة بحياتي و انتهت ..
و اعوض اللي راح مع انه مستحيل كل شي يتعوض
و منها وظيفتي بالجامعة لما عينت محاضرة و رحت تنازلت عنها
بناء على رغبته هو و قناعة أن بيتي و زوجي اولي ...!!!
و النتيجة ايش كانت ...؟!!!'

و لو بنتك زوجها تزوج هل راح تعتقد ان فيها نقص ؟!!
هل راح تجبرها تعيش معه كارهه له ؟!!
هل راح تصدق حبه لها و هو يعدد علاقاته لمتعته ؟!!

زوجي يبحث عن عذر له ،، عشان كذا يستشير مستشارين
ليس حبا في ..
هو غير ضامن حياته الجديدة و أنا الضمان له ..
يعرف أنه بيخسر لو طلق و ما راح يجد وحده بحبي و اخلاصي له
و تبحث عن راحته و رضاه ..
اناني بكل تصرفاته ...