اجلسي مع أولادك .. هم كبار وواعين .. قولي لهم عن تضحية زوجك وانه يحبهم وعشان هذا يدفع من عنده مصروفهم ويحبهم مثل اولاده ويستاهل انه نسعده .. اللي مثله ويشوفهم حواليه بيتهم هدوء وما عندهم مسؤوليات مثله .. يا ليت لو تساعدوني نوفر له ساعتين هدوء بعد ما يرجع من الدوام ..
شوفي اقتراحاتهم وادرسيها واللي تشوفيه مناسب طبقيه ... لو ما طلعتوا بخطة معينة ولو ما طرحوا افكار محددة فلا تلحي عليهم ... الفكرة وصلت وأكيد انهم راح يصيروا يراعوكم شوي .. يقدروا يقعدوا بغرفتهم يعملوا أي نشاط بدون ما يلزقوا فيك طول الوقت .
اجلسي مع زوجك وقولي له أنا باذن الله رايحة أسعى لراحتك ولا يصير خاطرك الا طيب .. وانت ان شاء الله احسن من كل اللي حواليك عند رب العالمين .. وذكريه بالثواب .. وبفائدة عنايته فيهم على أولاده بالمستقبل وكيف ربنا بيردها له في أولاده ويطلعوا صالحين .. وبيظلوا أخوان ذريته وبيعتنوا فيهم لما يكبروا وحتى لو كانوا الان مبعدين شوي عن الدين لكن أكيد اللي زرعتيه فيهم وهم صغار بيرجه يظهر ومردهم الهداية لما يكبروا .
وقولي له انهم ان قعدوا سنتين أو ثلاث فما راح يقعدوا العمر كله .. كلها كم سنة والبنت تتزوج والولد يروح الجامعة .. وتعبه فيهم بيثمر فيهم ويظلوا يحفظوها فضل له عليهم .
__________________
