الحليب ما أنصحك تخففي منه أبدا ..
1-السيريلاك تقدري تحولي لنكهة ثانية ما تكون كثير مرغوبة يمكن هو يخفف من نفسه .. أو ضيفي له نكهة ما يحبها .. أو خففيه بالماء لأقصى درجة مقبوله وبكذا يكون ياخذ ماء أكثر من القمح .
2- لما يبكي ما تتجاوبي معاه بطلبه ولا تعطيه الا لما يسكت .. قولي له بس بصوت حازم واذا ما سكت قولي بس مرة ثانية مع ضربة خفيفة على ظهر يده .. القصد من الضرب أن يشعر بغضبك منه وهذا اللي يردعه مو ألم الضرب بحد ذاته . طبعا هذا تعمليه بالبيت ولما يتعود ان ينضبط راح يتوقف عن نفس التصرف بالأماكن العامة .
3- تعليمه على الحمام ما يحتاج انه يتكلم .. هو يفهم .. تحتاجي أن تجليه على النونو كل ما شفتي انه ممكن يعملها وبين فترة وفترة .. ولما تروحي الحمام تاخذيه معاكي يتعلم منك .. ولما يعملها بالنونو تنبسطي منه وتبوسيه ولما يعملها بملابسه تعاتبيه وتفهميه انه هذا وسخ ولازم بالنونو بس بدون عصبية أو نرفزة نهائي حتى ما يخاف ويكره العملية كلها .. بس وصلي له المعلومة انه هذا مكانه هنا مو هنا .
يحتاج وقت وصبر الله يعينك .. وعادة ما يبدأوا هذي العملية بالشتا لأنه فيها تشليح كل شوي وتخافي من البرد لو تصبري شهرين أو 3 يكون أحسن
4- عادي وكل الأطفال يحبوا مثله يلعبوا بأغراض الأهل وقرأت بالجريدة من يومين انه ما تمنعوهم لأنه هذا دليل ذكاء ويطور قدراتهم
الله يحفظه ويحميه .. لا تنسي الاذكار عليه
__________________
